1 Mndewa Mulungu kotawala,

zisi zogudemeka,

kotawala viyokala uchanyha ya makelubi wa sanduku da lagano,

isi yotingisika.

2 Mndewa Mulungu ni mkulu uko Sayuni,

yeye ni mtawala mkulu wa makabila yose.

3 Waditogoze zina jake kulu da kudumbiza,

yeye yelile.

4 Mfalume mkulu yolonda haki,

kogolosa zimbuli,

kohumiza voilondeka muna iisi ya Isilaili.

5 Mtogoleni Mndewa Mulungu, Mulungu wetu,

mtambikileni hanhu heli na chigoda cha kwikila magulu yake,

yeye yelile.

6 Musa na Haluni wakala wakulu wake wa nhambiko,

Samweli iviya kakala imwe wa waja waditangile zina jake.

Wamulamba Mndewa Mulungu,

nayo kawedika.

7 Kalonga na Waisilaili muna diwingu dilingile fana mhanda,

wazindilila malagilizo yake na ndagilizi zoweng'higwe.

8 Weye Mndewa Mulungu, Mulungu wetu, kuwedika.

Kukala Mulungu wa kulekelela kumwawo,

ingawa kuwatagusa kwa sang'hano zawo zihile.

9 Mtogozeni Mndewa Mulungu, Mulungu wetu,

na mumtambikile hana umulima wake welile,

kwaviya Mndewa Mulungu, Mulungu wetu kela.