1 Mwimbileni Mndewa Mulungu wila wa sambi,

kwaviya katenda mbuli za mauzauza,

mkono wake wa kulume na chiganza chake chelile viwahuma wehi wake.

2 Mndewa Mulungu katenda ukombola wake umanyike,

kalagusa unovu wake muna izisi zose.

3 Kakumbuka ulondo wake wa kufunya umoyo,

na kakumbuka uwaminika wake kwa kaye ya Isilaili.

Wanhu wa zisi za kutali wawona Mulungu wetu viyachikombole.

4 Isi yose imdeng'helele Mndewa Mulungu,

imtogoze kwa nyila na ng'henze.

5 Mwimbileni Mndewa Mulungu kwa bango,

mwimbileni kwa bango na dizi da lungole.

6 Kwa ng'henze na mhalati,

mdeng'heleleni Mndewa Mulungu yeli mfalume.

7 Bahali na vose vili umo vibume,

zisi zose na wanhu wose wokala umo iviya wabume.

8 Mizanda itowe mang'huwa,

milima imbe hamwe kwa kudeng'helela haulongozi wa Mndewa Mulungu.

9 Mndewa Mulungu kokwiza kuhumiza isi,

kezahumiza zisi zose voilondeka,

na kezawahumiza wanhu wose voilondeka.