Zabuli 123

Kupula kuwoneligwa ubazi

Wila wa kukwela mulima wa Mulungu

1 Weye Mndewa Mulungu, noyenula meso yangu uchanyha,

nokulola weye ukala uko kuulanga.

2 Fana viya watumwa viwomulolela mwenevale wawo,

fana viya msang’hani wa chike viyomuhuwila mkulu wa kaye,

niivo cheye vochimuhuwila Mndewa Mulungu, Mulungu wetu mbaka vondayachiwonele ubazi.

3 Mndewa Mulungu, chiwonele ubazi,

kwaviya chifunyila umoyo kwehuligwa ng’hani.

4 Chifunyila umoyo kwehuligwa na wanhu weli na magoda,

chizehigwa ng’hani na wanhu woiwona kuwa wotenda goya.