1 Nomulamba Mndewa Mulungu kwa dizi kulu,

nomulandulila dizi jangu Mndewa Mulungu yaniwonele ubazi.

2 Nomgalila magayo yangu yose,

nomulongela uzidilwa wangu.

3 Voniwa habehi kubeneka moyo,

kwahabehi kunitaza.

Muna inzila yangu yonifosa,

wehi wanitegela mitego.

4 Ulole mkono wangu wa kulume na uwone,

habule munhu yonigesa,

nabule hanhu ha kukimbilila,

habule munhu yonika goya.

5 Nokulamba weye Mndewa Mulungu,

nolonga, "Weye niiyo kimbililo jangu,

silonda chinhu chimwenga chochose muna uugima wangu, mbali weye."

6 Uhulike vonikupula,

kwaviya nolonda kutazigwa ng'hani.

Unikombole kulawa kwa wanhu woniwinga,

kwaviya wawo wana nguvu kufosa niye.

7 Unilave muna ichifungo changu,

muladi nidahe kuditogoza zina jako.

Baho wanhu wotenda mbuli zinogile wezanizunguluka,

kwaviya kunitendela mbuli zinogile.