1 Mulungu kokala muna umting'hano wa milungu,

kohumiza milungu.

2 Kolonga, "Mwizahumiza kwa kuwonela mbaka zuwaki?

Mwizawatogola wanhu wotenda mbuli zihile mbaka zuwaki?"

3 Uwahumize vinogile wachiwa na ngayengaye,

watendeleni voilondeka wanhu welibule chinhu,

iviya watendeleni voilondeka wanhu wawoneligwe.

4 Wakomboleni nyondenyonde na wanhu wolonda kutazigwa,

walopoleni kulawa muna yamakono ya wanhu wotenda mbuli zihile.

5 Hawavimanyile na hawahulika chochose,

wogenda muna diziza,

vandusilo vose va haki muna iisi votingisika.

6 Niye nilonga, "Mweye ni milungu,

mweye wose mwawana wa Mulungu Yeli Uchanyha Ng'hani.

7 Mbali mwizadanganika fana wanhu,

mwizakugwa fana imwe wa wakulu."

8 Weye Mulungu, inuka uwahumize wanhu wa isi,

kwaviya wanhu wa zisi zose wako.