1 Weye Mulungu unilopole kwa udahi wako,

na unihumize kwa nguvu zako.

2 Weye Mulungu, tegeleza chonipula,

uhulike mbuli zonilonga.

3 Wanhu siwamanyile wanitowa,

wasede wonizahila wanikome,

wanhu wonizahila hawamtegeleza Mulungu.

4 Kweli Mulungu unitaze,

Mndewa Mulungu unilolese.

5 Uwalihe wehi wangu kwa mbuli zihile zowanitendele,

uwanange kwa waminika wako.

6 Mndewa Mulungu nizakulavila nhosa ya kulonda mwenyewo,

weye Mndewa Mulungu, nizaditogoza zina jako kwaviya dinoga.

7 Kwaviya kunilopola muna yamagayo yose,

na meso yangu yalola wehi wangu viwahumigwe.