1 Weye Mndewa Mulungu, nizakutogoza,

kwaviya kunilopola,

na huwalekile wehi wangu wadeng'helele vonihumigwa.

2 Weye Mndewa Mulungu, Mulungu wangu, nikulamba unitaze,

na weye kunihonya.

3 Weye Mndewa Mulungu, kuninyang'hula kulawa kuzimu,

kunibwelezela ugima kulawa kwa waja wohita kuzimu.

4 Mwimbileni wila wa nhogolwa Mndewa Mulungu,

mweye wanhu wake waminika,

kumbukeni zina jake jelile na mumwing'he hewela.

5 Ludoko lwake lokala chidogo,

ulondo wake wokala siku zose.

Ndilo yodaha kuwa uko hata ichilo,

mbali deng'ho dokwiza imitondo.

6 Niye vinimwedile, nilonga,

"Habule munhu wa kunihuma!"

7 Weye Mndewa Mulungu, Kwa unovu wako,

kunigangamiza fana mulima mkulu

mbali vouifisile kutali na niye,

niye nigwa luholozi.

8 Nikulamba weye Mndewa Mulungu,

nikupula uniwonele ubazi.

9 "Vino nihadanganika, kwizapata choni?

Hebu nihahita kuzimu, kwizapata choni?

Vino matimbwisi ya wanhu yodaha kukutogoza?

Vino matimbwisi yodaha kusimulila uwaminika wako?

10 Weye Mndewa Mulungu, unihulike na uniwonele ubazi.

Weye Mndewa Mulungu, unitaze!"

11 Weye kugalusa kulila kwangu kuwa sona za deng'ho,

kunihambula viwalo va ndilo, kuniyawaliza deng'ho.

12 Niye nizakutogoza na sizakala hupi.

Weye Mndewa Mulungu, Mulungu wangu, nizakwing'ha hewela siku zose.