1 Mndewa Mulungu yatogolwe.

Mweye wasang'hani wa Mndewa Mulungu,

ditogozeni zina da Mndewa Mulungu!

2 Zina da Mndewa Mulungu ditogolwe,

kwandusila diyelo mbaka siku zose.

3 Kulawa ulawilo wa zuwa mbaka uswelo wa zuwa,

zina da Mndewa Mulungu dolondeka kutogozigwa.

4 Mndewa Mulungu kotawala zisi zose,

ukulu wake ufika kuchanyha kuulanga.

5 Yelihi yeli fana Mndewa Mulungu, Mulungu wetu,

yokala uchanyha ng'hani?

6 Yelihi yeli fana Mndewa Mulungu yolola hasi, yawone ulanga na isi?

7 Komwinula ngayengaye kulawa kuna ditimbwisi,

na komwinula munhu yolonda kutazigwa kulawa kuna dizalala,

8 na kowatenda wakale hamwe na wafalume,

hamwe na wafalume wa wanhu wake.

9 Komtenda muke halela yapate welesi,

komtenda yadeng'helele kwa kumwing'ha wana.

Mndewa Mulungu yatogolwe.