1 Weye Mndewa Mulungu, lola wehi wangu viweli wengi,

wanhu wengi ng'hani wonilema.

2 Wanhu wengi wonilonga vihile,

"Hezatazigwa na Mulungu."

3 Mbali weye Mndewa Mulungu niiyo ngao yangu chila ubanzi,

kunihishimu na kunitenda niwe galu.

4 Kwa dizi kulu nimulamba Mndewa Mulungu,

nayo kanidika kulawa muna uukazi wake welile kuna umulima wa Sayuni.

5 Nitambalala na nipata nhongo,

nilamka kaidi, kwaviya weye Mndewa Mulungu konitaza.

6 Siwadumba wanhu maelufu longo,

wonizunguluka kunitowa chila ubanzi.

7 Weye Mndewa Mulungu, winuke!

Weye Mulungu wangu, unikombole!

Ubene saya za wehi wangu wose,

ubene meno ya wanhu wotenda mbuli zihile.

8 Weye Mndewa Mulungu kowalopola wanhu wako,

uwatemele mate wanhu wako!