1 Weye Mndewa Mulungu, kwizanizimiza mbaka zuwaki?

Kwizanizimiza siku zose?

Kwizanifisa chihanga chako mbaka zuwaki?

2 Nizakuwa na lugano mbaka zuwaki?

Vino nizakuwa na usungu chila siku?

Wehi wangu wezadeng'helela manhesa yangu mbaka zuwaki?

3 Unilole na unidike, weye Mndewa Mulungu, Mulungu wangu.

Nigangamize, one hutendile ivo nizadanganika.

4 Sekeuwaleke wehi wangu walonge, "Chimuhuma!"

Wanhu wonigaza sekewadeng'helele kwaviya notigisigwa.

5 Mbali niye nohuwila ulondo wako wa kufunya umoyo,

moyo wangu woudeng'helela ukombola wako.

6 Nizamwimbila Mndewa Mulungu,

kwaviya kanitendela mbuli nyingi zinogile.