1 Kamweda munhu ija hasondelela ugenzi wa wanhu wotenda mbuli zihile,

hebu kwima muna inzila ya wahasanyi,

hebu kuihanganya hanhu howokala wakewezi.

2 Mbali koyadeng'helela malagilizo ya Mndewa Mulungu,

na koyagesa malagilizo yake imisi na ichilo.

3 Munhu iyo kalinga fana viya mbiki wouhandigwe mumgwazogwazo wa lwanda,

woukwima matunda kwa lusita lwake na mayani yake hayanyala.

Chila choyotenda chokala goya.

4 Mbali wanhu wotenda mbuli zihile haweli ivo,

wawo walinga fana makang'ha yohembelusigwa na mbeho.

5 Ivo wanhu wotenda mbuli zihile hawezatogoleligwa kwima lusita lwa kuhumiza,

wahasanyi hawezakala na bumbila da wanogile haulongozi wa Mulungu.

6 Kwaviya Mndewa Mulungu koimanya nzila ya munhu yotenda mbuli zinogile haulongozi wake,

mbali nzila za wanhu wotenda mbuli zihile zowagala kuna iifa.