1 Mweye wanhu wose toweni mang'huwa!

Mtogozeni Mulungu kwa nyila za deng'ho!

2 Kwaviya Mndewa Mulungu, Mulungu Yeli Uchanyha Ng'hani kodumbiza,

yeye ni mfalume wa zisi zose.

3 Kachitenda chiwahume wanhu wa zisi zimwenga,

katenda chizitawale zisi.

4 Kachisagulila isi yochikala,

wanhu wa Yakobo woyowalonda Mulungu, woigodela isi iyo.

5 Mndewa Mulungu kakwela na kakala muna ichigoda chake cha chifalume,

kuno kotowiligwa ng'henze za deng'ho,

kuno kotowiligwa mhalati.

6 Mwimbileni Mulungu wila wa nhogolwa!

Mwimbileni Mulungu mfalume wetu nyila za kumtogoza!

7 Kwaviya Mulungu ni mfalume wa zisi zose,

mwimbileni wila wa kumtogoza!

8 Mulungu ni mfalume yotawala zisi zose,

Mulungu kokala muna ichigoda chake chelile cha chifalume.

9 Walangulizi wa zisi weli wanhu wa Mulungu wa Bulahimu woiduganya hamwe,

kwaviya wafalume wa zisi wekigwa na Mulungu,

yeye ni mkulu wa kutogoligwa ng'hani.