1 Weye Mndewa Mulungu, ulonge kuwa nabule ubananzi,

unigombele na wanhu hawakutambikila,

unikombole kulawa mwa wavwizi na wanhu wotenda mbuli zihile.

2 Weye niiyo Mulungu uli nguvu zangu, habali kunyasa?

Habali nohita nilongelela kwaviya wehi wangu woniwonela?

3 Nigalile bung'hulo jako na kweli yako vinilongoze,

vinigale kuna umulima wako welile,

mbaka kuna ikaye yako.

4 Maabaho nizahita kuna ulupango lwa Mulungu,

nizahita kwa Mulungu yonitenda nideng'helele,

nizakutogoza kwa kutowa bango, weye Mulungu wangu.

5 Vino habali nonyululuka muna umoyo wangu?

Habali moyo wangu wosafagila vino?

Nizamuhuwila Mulungu,

nizamwing'ha hewela kaidi,

yeye niiyo Mulungu wangu yonitaza.