1 Mwing'heni hewela Mndewa Mulungu kwaviya yeye kanoga,

kwaviya ulondo wake wokala siku zose.

2 Mwing'heni hewela Mulungu yeli na udahi kufosa milungu yose,

kwaviya ulondo wake wokala siku zose.

3 Mwing'heni hewela Mndewa yeli na udahi kufosa wandewa wose,

kwaviya ulondo wake wokala siku zose.

4 Yeye yaidumwe yoyotenda mauzauza makulu,

ulondo wake wokala siku zose.

5 Yeye katenda ulanga kwa umanyi wake,

ulondo wake wokala siku zose.

6 Kalumba isi mchanyha ya mazi,

ulondo wake wokala siku zose.

7 Kalumba zuwa na mwezi,

ulondo wake wokala siku zose.

8 Zuwa ditawale imisi,

ulondo wake wokala siku zose.

9 Mwezi na nhondo vitawale ichilo,

ulondo wake wokala siku zose.

10 Kawakoma waudele wa Wamisili,

ulondo wake wokala siku zose.

11 Kawalongoza Waisilaili walawe Misili,

ulondo wake wokala siku zose.

12 Kawalava kwa mkono wake ugoloke uli na nguvu,

ulondo wake wokala siku zose.

13 Yeye kaigola bahali ya Shamu,

ulondo wake wokala siku zose.

14 Kawalosa Waisilaili hagati ya bahali iyo,

ulondo wake wokala siku zose.

15 Kampigisa mfalume wa Misili na watowang'hondo wake muna ibahali ya Shamu,

ulondo wake wokala siku zose.

16 Kawalongoza wanhu wake wafose muna ichuwala,

ulondo wake wokala siku zose.

17 Kawakoma wafalume wakulu,

ulondo wake wokala siku zose.

18 Nayo kawakoma wafalume weli na nguvu,

ulondo wake wokala siku zose.

19 Kamkoma mfalume Sihoni wa Waamoli,

ulondo wake wokala siku zose.

20 Kamkoma mfalume Ogu wa Bashani,

ulondo wake wokala siku zose.

21 Kaweng'ha wanhu wake uhazi wawo,

ulondo wake wokala siku zose.

22 Kaweng'ha zisi izo Waisilaili wasang'hani wake,

ulondo wake wokala siku zose.

23 Kachikumbuka lusita vichihumigwe,

ulondo wake wokala siku zose.

24 Kachilopola na wehi wetu,

ulondo wake wokala siku zose.

25 Komwing'ha ndiya chila chilumbe,

ulondo wake wokala siku zose.

26 Mwing'heni hewela Mulungu wa kuulanga,

ulondo wake wokala siku zose.