1 Weye Mndewa Mulungu, umwaka kulagusa unovu kwa isi yako,

na kuwatenda wanhu wa Yakobo watemeligwe mate kaidi.

2 Kuwalekelela ubananzi wanhu wako,

na kusegeza uhasanyi wawo wose.

3 Kusegeza ludoko lwako lose,

kuleka ng'hasiliki yako ng'hulu.

4 Lelo weye Mulungu wa ukombola wetu, uchibweleze kumwako,

uleke kuchiwonela ludoko.

5 Vino kwizachiwonela ludoko siku zose?

Kwizagendelela na ludoko lwako kwa nyelesi zose?

6 Vino hwizaching'ha ugima kaidi,

muladi wanhu wako wakudeng'helele?

7 Weye Mndewa Mulungu, uchilaguse ulondo wako wa kufunya umoyo,

uchikombole.

8 Nitegeleze chiya choyolonga Mndewa Mulungu,

kwaviya kowalaganila kuwatenda wanhu wake wokwaminika watindiwale,

wanhu wake mwenyewo, mbali sekewaubwelele ubozi wawo.

9 Kweli ukombola wake wahabehi kwa waja womdumba,

muladi ukulu wake ukale muna iisi yetu.

10 Ulondo na uwaminika voiting'hana hamwe,

haki na tindiwalo voinonela.

11 Kweli izasuka muna iisi,

haki izalola kulawa kuulanga.

12 Mndewa Mulungu kezaching'ha vinhu vinogile,

na isi yetu izalava ndiya.

13 Haki izamulongolela,

na kumsasalila nzila yake.