1 Waisilaili viwasegele Misili,

welesi wa Yakobo viulawile muna iisi ya chigeni,

2 isi ya Yuda itendigwa kuwa kaye yelile ya Mulungu,

nayo isi ya Isilaili iwa ufalume wake.

3 Bahali ya Shamu viimuwonile Mulungu ikimbila,

lwanda lwa Yoludani luleka kukuluma.

4 Milima izumhazumha fana mabebelu ya ng'hondolo,

vilima vizumhazumha fana wanang'hondolo.

5 Weye bahali, habali kukimbila?

Weye Yoludani habali kuleka kukuluma?

6 Mweye milima habali muzumha fana mabebelu ya ng'hondolo?

Mweye vilima habali muzumha fana wanang'hondolo?

7 Gudemeka weye isi haulongozi wa Mndewa,

gudemeka haulongozi wa Mulungu wa Yakobo.

8 Ija yogalusa luwe kuwa lamba da mazi,

yogalusa dibwe dala kuwa nzasa ya mazi.