1 Mndewa Mulungu yatogolwe.

Weye moyo wangu, umtogoze Mndewa Mulungu.

2 Nizamtogoza Mndewa Mulungu siku zose za ugima wangu,

nizamwimbila nhogolwa Mndewa Mulungu ning'hali mgima.

3 Sekeuwahuwile wakulu,

sekeuwahuwile wanhu kwaviya hawadaha kukukombola.

4 Vondawadanganike, wezabwela muna uulongo,

siku iyo magesa yawo yose yezakuwa yaga.

5 Watemeligwa mate wanhu wotazigwa na Mulungu wa Yakobo,

waja womuhuwila Mndewa Mulungu, Mulungu wawo.

6 Yalumbile ulanga na isi,

bahali na vinhu vose vili umo,

kokwaminika siku zose.

7 Kowahumiza vinogile wanhu wowoneligwa,

koweng'ha ndiya weli na nzala.

Mndewa Mulungu kowaleka wafungwa wailegehe.

8 Mndewa Mulungu kowagubula yameso vipofu,

Mndewa Mulungu kowenula uchanyha wanhu wose wanyendanyenda,

Mndewa Mulungu kowalonda wanhu wotenda mbuli zinogile.

9 Mndewa Mulungu kowamila wanhu wa zisi zimwenga,

kowataza wagane na wachiwa,

mbali nzila ya wanhu wotenda mbuli zihile yonangigwa na Mulungu.

10 Mndewa Mulungu kezatawala siku zose.

Weye Sayuni, Mulungu wako kezatawala nyelesi zose.

Mndewa Mulungu yatogolwe.