1 Mndewa Mulungu yakwidike voukuwa muuzidilwa,

zina da Mulungu wa Yakobo dikukalize.

2 Yakugalile utazi kulawa kuna ikaye yake yelile,

yakutaze kulawa Sayuni.

3 Yazihokele nhosa zako zose,

yazitogole nhambiko zako za kutimbula.

4 Yakutendele mbuli ziugesa muna umoyo wako,

chila mbuli iuilungile ilawilile.

5 Chizakwimbila kwa deng'ho kwa ichimu cha uhumi wako,

chizadeng'helela kwa zina da Mulungu wetu.

Mndewa Mulungu yakwing'he chila chiupulile!

6 Novimanya Mndewa Mulungu komtaza ija yamsagule kuwa mfalume,

kezamwidika kulawa hanhu hake helile kuulanga,

kwa mkono wake wa kulume kezamwing'ha uhumi mkulu.

7 Wamwenga woigodela matololi yobululigwa na falasi,

wamwenga woigodela falasi,

mbali cheye choigodela zina da Mndewa Mulungu, Mulungu wetu.

8 Wawo wezaikwala na kugwa,

mbali cheye chizakwinuka na kwima chigangamavu.

9 Weye Mndewa Mulungu, umtende mfalume yahume,

na uchidike vochikupula uchitaze.