A fé vem pelo ouvir

12 इन एल्हेरेलेइ आहे कि यहूदन ते गैर कौमन मां कोई फर्क नईं, किजोकि परमेशर सेब्भी केरो प्रभुए; ते ज़ैना तैसेरू नवं घिन्तन तै तैन बरकत देते। 13 ज़ेन्च़रे पवित्रशास्त्र ज़ोते, "ज़ै कोई प्रभुएरू नवं घिन्नेलो, तैस मुक्ति मैल्हेली।"

14 पन प्रभु पुड़ लोकेईं विश्वास न कियो त तैना तैसेरू नवं किजो घिन्न? ते ज़ेसेरे बारे मां तैनेईं शुनोरू नईं तैस पुड़ केन्च़रां विश्वास केरेले? ते अगर तैसेरे बारे मां कोई प्रचार न केरे त तैना केन्च़रां शुनी बटतन? 15 ते अगर कोई प्रचार केरनेरे भेज़ो न गाए त तैना केन्च़रे शुनेई बटतन? ज़ेन्च़रे पवित्रशास्त्र ज़ोते, "तैन केरे पव केत्रे रोड़ेन, ज़ैना खुशखबरी शुनातन!" 16 पन सेब्भेईं तै खुशखबरी कबूल न की। यशायाह नबी ज़ोते, "हे प्रभु कोई इश्शे सन्देशे पुड़ विश्वास न केरे।" 17 एल्हेरेलेइ मसीहेरे बारे मां सन्देश शुन्नेरे बगैर कोई भी तैस पुड़ विश्वास न केरि बटे।

2 अवं तुसन सिर्फ ई सवाल पुछ़नो चाताईं, कि तुसेईं पवित्र आत्मा कुन कानून मन्ने सेइं हासिल कियो? बिलकुल भी नईं, तुसेईं खुशखबरी शुनी ते तैस पुड़ विश्वास की ते पवित्र आत्मा हासिल की।

13 ते तुस भी मसीह सेइं शामल भोए ज़ैखन तुसेईं सच़्च़ू वचन शुनू, ज़ै खुशखेबरां तुश्शे लेई मुक्ति आनी, ज़ैखन तुसेईं विश्वास कियो परमेशरे तुसन पुड़ अपनि छाप लाई, ई छाप पवित्र आत्माए, ज़ै तैनी असन दित्तो, ज़ेसेरो वाधो तैनी कियोरो थियो। 14 पवित्र आत्मा भी छुटकारेरे सैयरो ज़ेरोए, ज़ै पक्‍कू केरते कि परमेशरे असन तै विरासत देलो ज़ेसेरो तैनी वाधो कियोरोए, ते तैनी अस अपने लोकां केरे रूपे मां घिनोरेम, ताके तैसेरे महिमारी बडीयाई भोए।

24 अवं तुसन सेइं सच़ ज़ोताईं ज़ै मेरू वचन शुन्तां मेरे भेज़ने बाले पुड़ विश्वास केरते, हमेशारी ज़िन्दगी तैसेरीए, ते तैस पुड़ सज़ाहरो हुक्म न भोए, बल्के तै मौतरां पार भोइतां हमेशारे ज़िन्दगी मां दाखल भोते।"

25 "अवं तुसन सेइं सच़-सच़ ज़ोताईं, कि तै वक्त एजनेबालोए, बल्के हुन्नाए ज़ैस मां मुड़दे परमेशरेरे मट्ठेरी यानी मेरी आवाज़ शुनेले, ते ज़ैना शुनेले तैना हमेशा ज़ीएले।

44 कोई मीं कां न एज्जी बटे ज़ांतगर बाजी, ज़ैनी अवं भेज़ोरोईं, तैस मीं कां न आने, ते अवं तैस आखरी दिहैड़ी फिरी ज़ींतो केरेलो। 45 नेबी केरे पवित्रशास्त्रे मां एन लिखेरूए, ‘तैना सब परमेशरेरे तरफां शिख्खोरे भोनेन।’ ज़ैनी बाजी करां शुनोरूए त शिख्खोरूए तै मीं कां एइते। 46 एसेरो मतलब ई नईं कि केन्चे बाजी लाहोरोए, पन ज़ै परमेशरेरे तरफांए यानी मीं बाजी लाहोरोए। 47 अवं तुसन सेइं सच़-सच़ ज़ोताईं ज़ै कोई विश्वास केरते हमेशारी ज़िन्दगी तैसेरीए।

28 पन यीशुए ज़ोवं, "हाँ, पन धन आन तैना लोक ज़ैना परमेशरेरू वचन शुन्तन ते तैस पुड़ अमल केरतन।"

23 ज़ै कोई समझ़नू चाते, तै ध्याने सेइं शुने त समझ़े!"

15 यीशुए अपने चेलन ज़ोवं, "तुस सैरी दुनियाई मां गेइतां सारे लोकन मेरे बारे मां खुशखबरी शुनाथ।

14 तैन केरे बारे मां यशायाह नेबेरी भविष्यिवाणी पूरी भोतीए,

"तुस कन्नेईं सेइं त शुनेले पन समझ़ेले न, तुस एछ़्छ़न सेइं त लाएले पन पिशैनी न सकेले।"

15 "किजोकि एना लोकां केरे दिलन पुड़ चर्भी भेरोरीए,

ते एना कन्न सेइं उकड़ु शुन्तन, ते एनेईं अपनि एछ़्छ़ी तुमोरिन,

एरू न भोए कि तैना एछ़्छ़ेईं सेइं लहन,

ते कन्नेईं सेइं शुन्न ते दिले सेइं समझ़न,

ते मेरे पासे फिरन ते अवं तैन बज़्झ़ेइं।"

16 "पन तुश्शी एछ़्छ़ी धन आन, कि तुस लहतथ ते तुश्शे कन्न धन आन किजोकि तुस शुन्तन।

मैन्हु ज़ुट्ठो केरनेबैली गल्‍लां

10 फिरी मैन्हु एप्पू कां कुजेइतां ज़ोवं, "शुना, ते समझ़ा।

3 हे मेरे लोकव ध्यान देथ, ते मीं कां एज्जा; ते शुना तैखन तुस ज़ींते राले; ते अवं तुसन सेइं हमेशारो करार केरेलो, मतलब दाऊदे पुड़ अटल दयारो करार।✝

9 तैखन प्रभुए ज़ोवं, "गा, ते इस्राएली लोकन सेइं ज़ो, ‘तुस शुन्ने त शुनेले पन समझ़ेले नईं; तुस तकने त तकेले न बुझ़ी न बटेले।’ 10 तैखन तैनी मीं सेइं ज़ोवं, ‘तू एन लोकां केरे मन सखत केर ते एन केरे कन टोंवने केर ते एन केरि एछ़्छ़ी बन्द केर; एरू न भोए एना एछ़्छ़न सेइं लांन, ते कन्नेईं सेइं शुन्न, ते मने सेइं बुझ़न, ते मन फिरान ते बेझ़ोन।’"✝

3 साथी इश्शे लेई भी प्राथना केरते राथ, कि परमेशर इश्शे लेई शुनानेरे लेई एरी बत खोल्‍ले, कि अस मसीहेरे तैस भेदेरे बारे मां ज़ोई बटम ज़ेसेरे लेई अवं कैदे मां आई।