A fé vem pelo ouvir

12 काकरेकी यहूदी और गैर-यहूदिनमे कुछु विभेद नै हो। काकरेकी परमेश्वर सक्कुहुनके प्रभु हुइँत; और हुँकिन्हे गोहरुइयनहे ऊ बँचैथाँ। 13 काकरेकी पवित्र शास्त्रमे असिके लिखल बा, "प्रभु उ सक्कुहुन्हे बँचैहीँ, जे-जे हुँकार नाउँ गोहरैहीँ।"

इजरायलके मनै खुशीक खबरहे अस्वीकार कर्लक

14 पर मनैनहे परमेश्वरसे सहयोग मंग्नासे पहिले हुँकारमे विश्वास करे परत। और हुँकारमे विश्वास करनासे पहिले हुँकार बारेमे सुने परल। और यदि मनै येशू प्रभुहे विश्वास करना बारेमे नै सुनल हुइँत कलेसे सुनक लग केऊ ओइन्हे हुँकार बारेमे बताई परल। 15 और ओइन्हे जाके बतैनासे पहिले बताइक लग केऊ उहिहे पठाई परल। जसिके पवित्र शास्त्रमे लिखल बा, "खुशीक खबर प्रचार करुइयनके गोरा कतरा सुग्घुर बतिन!"

16 पर सक्कु जाने उ खुशीक खबरहे स्वीकार नै करलाँ। जसिके यशैया अगमवक्ता कहत, "हे प्रभु, बहुत कम मनै हमार सुनैलक खुशीक खबरमे विश्वास करलाँ।" 17 तबेकमारे जब तुहुरे खुशीक खबर सुन्थो, तब तुहुरे विश्वास करथो। और यी खुशीक खबर ख्रीष्टके वचन हो।

2 तुहुरे महिन्हे एकथो बात बताऊ: कि तुहुरिन्हे पवित्र आत्मा कसिके मिलल? का मोशक नियम कानुन पालन करके तुहुरिन्हे पवित्र आत्मा मिलल? पक्कै फेन नै, तुहुरे खुशीक खबर सुन्लो, और उ खुशीक खबरमे विश्वास कर्लो। तबेकमारे तुहुरिन्हे पवित्र आत्मा मिलल।

13 तुहुरिन्के संग फेन यहे हुइल बा। तुहुरे सच्चा सन्देश सुनल बतो, जोन सन्देश बताइत कि परमेश्वर तुहुरिन्हे कसिके बँचैथाँ। जब तुहुरे ख्रीष्टहे विश्वास कर्लो, तब परमेश्वर अपन वाचा कर्लक पवित्र आत्मा तुहुरिन्हे देलाँ, यी देखाइक लग कि तुहुरे परमेश्वरके हुइतो। 14 काकरेकी परमेश्वर हम्रिहिन्हे पवित्र आत्मा देले बताँ। हम्रे यी बातसे पक्का हुई सेक्थी कि परमेश्वर जोन दोसुर मजा-मजा चिज देना वाचा हम्रिहिन्से कर्ले बताँ, उ चिज हम्रिहिन्हे दिहीँ। यी तब हुई जब परमेश्वर हम्रिहिन्हे पूरा रुपमे मुक्ति दिहीँ, जे-जे हुँकार सन्तान हुइती। ताकि हम्रे परमेश्वरहे प्रशंसा भेटैना कारण बने सेकी।

24 जात्तिके, मै तुहुरिन्हे कहतुँ, जे मोरिक वचन सुनत और महिन्हे पठुइयकमे विश्वास करत, उहिहे सदाकालके जीवन मिल्हिस, और उहिहे दण्ड नै मिल्हिस। पर ऊ सदाकालके मृत्युसे बँचगिल बा, और आग्गिहीँसे लावा जीवनमे जासेकल बा।

25 जात्तिके, मै तुहुरिन्हे कहतुँ, उ समय आइता बेन अइहीगिल बा, जब मुअल मनै मोरिक आवाज सुन्हीँ जे परमेश्वरके छावा हुइतुँ। और जेने सुन्हीँ, ओइने सदाकालके लग जित्ती रहिहीँ।

44 महिन्हे पठुइया बाबा नै तानी कलेसे केऊ फेन मोरिक थेन आई नै सेकी, और मै उहिहे अन्त्यक दिनमे जिवैम। 45 परमेश्वरके अगमवक्तनके किताबमे असिके लिखल बा: ‘उ सक्कु जाने परमेश्वरके सिखागिलक रहिहीँ। तबेकमारे प्रत्येक जाने जे-जे परमेश्वर बाबक कलक सुन्लाँ, और उहिसे सिखल बताँ, ओइने मोरिक थेन अइहीँ।’ 46 परमेश्वर बाबाहे केऊ फेन नै देखल हो। परमेश्वरके थेनसे अउइया महिँए किल हुइतुँ, जे उहिहे देखल बा। 47 जात्तिके मै तुहुरिन्हे कहतुँ, जे विश्वास करी, ओक्रेहे थेन सदाकालके जीवन बा।

28 पर येशू कलाँ, "बेन ओइने धन्य हुइताँ जेने परमेश्वरके वचन सुन्थाँ और ओकर पालन करथाँ।"

23 यदि तुहुरे बुझे चहथो कलेसे, यी बातमे ध्यान देऊ कि मै अब्बे तुहुरिन्से का कनु।"

15 येशू ओइन्हे कलाँ, "संसारमे हरेक ठाउँ जाऊ और सक्कु मनैनहे खुशीक खबर सुनाऊ।

14 यशैया अगमवक्तक अगमवाणी ओइन्केमे पूरा हुइल बा:

‘सुन्ना ते तुहुरे सुन्थो,

पर कबु नै बुझ्थो।

हेरना ते तुहुरे हेर्थो,

पर कबु नै देख्थो।

15 काकरेकी यी मनैनके मन सुस्त होगिल बतिन।

और ओइन्के कान बहिर होगिल बतिन।

और ओइने अपन आँखी तुमलेले बताँ।

नै ते ओइने आँखीलेके देख्ताँ,

कानलेके सुन्ताँ,

मनेलेके बुझ्ताँ और घुमजिना रहिँत।

तब् मै ओइन्हे चोख्वैतुँ।’"

16 "पर धन्य हुइँत तुहुरिन्के आँखी, काकरेकी ओइने देख्थाँ। धन्य हुइँत तुहुरिन्के कान, काकरेकी ओइने सुन्थाँ।

अशुद्ध करैना बात

10 येशू मनैनहे अपन थेन बलैलाँ और ओइन्हे कलाँ, "सुनो और बुझो।

3 और यकर संगसंगे हमार लग फेन प्राथना कर्ती रहहो कि परमेश्वर हम्रिहिन्हे प्रचार करना मौका दिँत। ताकि हम्रे ख्रीष्टके रहस्यक वर्णन करे सेकी, जेकर कारण मै झेलमे परल बतुँ।