A fé vem pelo ouvir

12 Rəkɔ, Ajuwufu nə sə sə kpî tə̂ azü ə̂në əndje sə sə tə Ajuwufu nə ne kɔ ne: əndje nɔ̂ sə kʉ də Âgbɔ̂ Əyïngerə bale ə̂në tshə sə kə ko aə̂rɔ̂ aərə kə azü ə̂në əndje sə kə e ətshe kə ətshə kɔ. 13 Mbrə ə̂në Fraka nə̂ Ndjapä pa: «Əzü nɔ̂ ə̂në tshə e ətshe də əɨrɨ Âgbɔ̂ Əyïngerə, tshə sə kə tshɔ lə kuzu.»*

Kə mʉ Ə̂rɔ̂ Əpʉ

14 Bale, əndje sə kə e ətshe nə kə ətshə atâ ə̂në əndje za lɔsu əndje za kə ətshə ne kɔ? Â əndje sə kə za lɔsu əndje nə kə ətshə atâ ə̂në əndje dji əpʉ gâ pâ ye dji ne kɔ? Â əndje sə kə dji əpʉ nə gâ pâ ye atâ ə̂në ə̈bə̈ əzü bale mʉ əpʉ nə mʉ ne kɔ? 15 Â əzü sə kə mʉ əpʉ nə atâ kədə əndje wla azü wla ndə kə mʉ əpʉ nə ne? Mata ə̂në Fraka nə̂ Ndjapä nə pa: «Ə̈nü aawomʉ Ə̂rɔ̂ Əpʉ fʉ ə fʉ.»* 16 Bale, ə də̂ azü nɔ̂ də̂ kə yində Ə̂rɔ̂ Əpʉ nə kɔ ne. Mbrə ə̂në Ezayi pâ əpʉ ə pa: «Âgbɔ̂ Əyïngerə, əde kə yində əpʉ nə ə̂në ä mʉ kɔ də lɔsu ye?»* 17 Rəkɔ, əpʉ lɔsu nə to tə̂ əpʉ ə̂në əzü ə dji kɔ â əpʉ nə ə̂në əzü nə ə dji kɔ sə tə əpʉ nə̂ Kristə nə.

2 Əpʉ ə̂në mə yində kə dji nə tshî lə ama e kɔ kə səye: tə̂ äwä kə mbrə aərə Lïndə̂ âgbɔ̂ əpʉ nə̂ Mayïzə də̂ e sɔ̂tə̂ Âgbɔ̂ Yîrə̂ nə̂ Ndjapä nə kɔ wala mbrə ə̂në e djî Ə̂rɔ̂ Əpʉ â yində nə də lɔsu e kɔ a?

13 Lə Kristə nə, e-e ndje, e djî əpʉ gâ pâ djatra əpʉ gâ ye, gâ pâ Ə̂rɔ̂ Əpʉ ə̂në ə lï ndə kə she e lə kuzu kɔ; e zâ lɔsu e kə Kristə nə gâ ye â Ndjapä zâ tapɔ gâ pâ e gâ ye â Âgbɔ̂ Yîrə̂ nə kə də̂ tapɔ nə, ə̂në tshə zâ ama də əpʉ ye gâ ye kɔ. 14 Â Âgbɔ̂ Yîrə̂ nə sə tə angbʉlî ərə ə̂në ə yisə̂ nə pa a sɔtə̂ ə̂dû aərə nə nɔ̂ ə̂në Ndjapä kô gâ-e mbrə azü nə̂ ye kɔ je, alɔ ə̂në tshə sə kə djɔ əzə̂ gbrä lə əmbrʉ ərə, ndə kə pa a mbe ətshə lə ə̂yî ye.

24 «Djatra əpʉ, mə pa kə e, əzü ə̂në tshə dji əpʉ nə̂ əmə â za lɔsu ye kə ətshə ə̂në tshə wlâ əmə kɔ, tshə sə də sorô nə̂ alɔnɔ̂. Əndje sə sə kə wa ngbanga gâ lə kumu ye ne, bale tshə rô lə kuzu gâ tə̂ sorô gâ ye.

25 Djatra əpʉ, mə pa kə e, alɔ sə kə na gu nə, â ə tə nə kə səke, ə̂në asorô ə̂në əndje sə mata akuzu lə ala Ndjapä kɔ, sə kə dji tshema Ɨrɨ Ndjapä, â əndje nə ə̂në əndje sə kə dji tshema ye nə â za lɔsu əndje kə ətshə kɔ, əndje sə kə sə tə asorô piii.

44 Ə̈bə̈ əzü bale lï lï ndə kə na gâ tə̂ əmə ne, kədə Abä ə̂në tshə wlâ əmə kɔ kə za ətshə za horo gu nə ne, â əmə, mə sə kə she ətshə tə̂ ə̂dû əlo. 45 Aawopandəma Ndjapä tâ gâ lə fraka ə pa: "Ndjapä sə kə yisə̂ ərə kə azü nɔ̂."* Əzü nɔ̂ ə̂në tshə sə kə dji Abä â yində əpʉ kə yisə̂ ərə ə̂në tshə sə kə yisə̂ nə kɔ, tshə sə kə na gâ tə̂ əmə. 46 Ə̈bə̈ əzü bale wû Abä wû ne, kʉtə̂ ətshə ə̂në tshə tô mâ ndə Ndjapä nə je â nâ kɔ, ətshə kə wu Abä.

47 «Djatra əpʉ, mə pa kə e, əzü ə̂në tshə za lɔsu ye kə Ndjapä, tshə sə də sorô nə̂ alɔnɔ̂.

28 Jezu kîrə əpʉ ə pa: «Ənə̂ əndje tə ə̂rɔ̂nə ə rô pâ nə, azü ə̂në əndje dji Əpʉ nə̂ Ndjapä ə mbrə tə̂ əndje Lïndə̂ nə!»

23 Əzü â sə də ətu kə dji əpʉ, tshə djï!»

15 Mandânə, Jezu pâ kə atrawaya nə ə pa: «E nä na ye pâ ashɔ nɔ̂ ə mʉ̈ Ə̂rɔ̂ Əpʉ kə azü nɔ̂.

14 Rəkɔ, ka əpʉ ama Ndjapä ə̂në Ezayi pâ mbrə əndje kɔ, ndəma nə ma. Tshə tâ ə pa:

"E sə kə dji əpʉ tə ə̂rɔ̂nə,

bale e sə sə kə dji tshelə nə kpiabale ne.

E sə kə lishi tə ə̂rɔ̂nə,

bale e sə sə kə wu ə̈bə̈ ərə kpiabale ne.

15 Mbrə ə̂në lɔsu azü əgɔ səye gbɔ̂ gâ ye.

Əndje bî ətu əndje gâ tə̂ nə gâ ye

ə pî ala əndje gâ tə̂ nə gâ ye

ndə kə pa əndje wu ərə wu də ala əndje ne,

əndje dji əpʉ dji də ətu əndje ne,

ə dji tshelə âdâ əpʉ dji ne,

ə tshi äwä angbrɔ kə ma tə̂ əndje tshi tʉ

kanika mə gɔ grɔ rəka nə̂ əndje tə̂ əndje ne."*

16 «Ənə̂ e tə ə̂rɔ̂nə mbrə ə̂në ala e sə kə wu ərə â ətu e sə kə dji əpʉ.

Ərə kə ma əzü tə əmbrʉ nə

10 Mandânə, Jezu ê ə̂kpû azü nə gâ tə̂ ye ə pâ kə əndje ə pa: «E djï əpʉ səye ə djï tshelə nə.

3 E yü Ndjapä ndje mbrə ä kanika Ndjapä nə krɔ äwä kə ä ndə kə yisə̂ əpʉ nə̂ ye, ndə kə yisə̂ lengerə əpʉ ərə ə̂në tshə gâmba gâ pâ əpʉ Kristə gâ ye kɔ gashu, ə̂në mbrə nə də̂ mə sə lə anda kânga kɔ.