A fé vem pelo ouvir
A fé vem pelo ouvir, e o ouvir pela Palavra de Cristo. Quando a Palavra é proclamada, a fé nasce nos corações. Ouvir a Deus é o primeiro passo para crer e seguir.
A fé vem pelo ouvir
A fé vem pelo ouvir, e o ouvir pela Palavra de Cristo. Quem ouve a Palavra crê e obtém a salvação eterna.
Ke ngwel wɛ, okam k’oli mpɛ̃-a-mpɛ̃ Ayuda y’Agelek wɛ. Bɔ bueel ali ye Mfam ngɔmɔ̃, wu asa obvɛ bibi me baal bueel b’ata ndɛ mbel. Ke ngwel wɛ, áyɛɛn ndiri: «Mbuul ɔ̃bi pyɛ wu àta Mfam mbel, àbvuul.»
Emfa emã ki eta bɔ mbuul wɛn bɔ k’akiool wɛ mbel? Emfa emã ki èkiool bɔ mbuul wɛn bɔ k’ayoo k’etee baal me ndɔɔ a ndɛ wɛ? Emfa emã ki èyoo bɔ okɛɛn mbuul wu atee bɔ pyɛ? Okɛɛn k’ayuɔɔl mbuul wɛ, emfa emã ki ètee ndɛ? Ákel ndiri: «Ntaã e baal b’atee Nsia yi Ngesɛ eli yam mvɛ-mvɛ.»
Kɛn a bueel k’akiool Nsia yi Ngesɛ wɛ. Ke ngwel wɛ, Edzayi áfuul bubu: «Mfam, wu okiool ãtee ã bee nã?» Obobɔ, okiool oya me m’ayoo, m’ayoo ãya m’Endɔɔ e Mãsia.
Mɛ̃ nzii kwɛn byɛ ebveel mɛ̃ kɛn ɔ̃mfuul ngɔmɔ̃ wu: Byɛ éyɔɔ Ɔ̃fel me ndɔɔ yi ékieel byɛ Ngel wuo me nkuul a Nsia yi Ngesɛ yi éyoo byɛ y’okiool?
Onse ndɛ, byɛ hɛ̃, byɛ eyoo Endɔɔ li taa-taa, Nsia yi Ngesɛ yi ébvuul byɛ. Onse ndɛ bvool, byɛ ekiool, obobɔ Nziã osi byɛ eliĩ. Eliĩ okyɛ, ki Ɔ̃fel wu Ɔ̃nsensal, wu élieel Nziã ndiri àwa byɛ. Ɔ̃fel ondɛ oli nsoo yi ɔ̃swal a bia-byɛ, tiil k’ekal obvuul o bia-byɛ ɔ̃koo, me lio li ekieel ewal bia-byɛ ɔ̃swal ondɛ. Oŋɔ̃ elweel okuun o Nziã!
«Taa-taa bam, mɛ̃ eyɛɛn byɛ wɛn, mbuul wu ayoo eyɛɛn e mɛ̃, wu alɔ okiool onse wu ayuɔɔl mɛ̃, oli y’elaã li ɔ̃bu nkal ɔ̃bu. Ndɛ k’àbɔɔ etumbu wɛ, kɛn a ndɛ ombal k’epfu, obwel k’elaã.
Taa-taa bam, mɛ̃ eyɛɛn byɛ wɛn, lio èyeya, lɔ emeeya meba, lɛn b’ákwi-ákwi akieel ayoo nkii a Muaan a Nziã, b’akieel ayoo yɔ akieel akal y’elaã.
Mbuul k’akoo m’oya ola mɛ̃ wɛ, okɛɛn Taal wu ayuɔɔl mɛ̃ k’adzuru ndɛ wɛ, bvool mɛ̃, mɛ̃ èseel ndɛ me tsoo e ntɔ. Ákel onse ɛ̃nkaan mi aliaal-ɛ̃kiɛɛn a Nziã ndiri: "Nziã akieel ayiool bɔ bueel." Mbuul ɔ̃bi pyɛ wu oyoo Taal bvool oyɔɔ m’eyiool ndɛ, aya ola mɛ̃. Oŋɔ̃ ke ŋ’ayɛɛn ndiri mbuul omwɛn Taal wɛ. Wu omwɛn Taal, kɛn a wu ofi ola Nziã. Taa-taa bam, mɛ̃ eyɛɛn byɛ wɛn, mbuul wu okiool oli y’elaã li ɔ̃bu nkal ɔ̃bu.
Ouvir e obedecer
Felizes os que ouvem a Palavra de Deus e a praticam. Quem tem ouvidos ouça o que o Espírito diz.
Kɛn a Yeso obveel bubu: «Esɛ ndoo ola baal b’ayoo Endɔɔ e Nziã, bvool alweel lɔ!»
Yɔɔl mbuul wa y’ãtswi m’ayoo, ayoo!»
Ke mbee oŋɔ̃, ndɛ olieel bɔ bubu: «Eyi m’ɔ̃kiri a nsie ndyam wueel, etsal Nsia yi Ngesɛ ola baal bueel.
M’emfa okyɛ, me ndɔɔ a bɔ, ŋ’ekoo ndɔɔ yi élieel ɔ̃liaal-ɛ̃kiɛɛn a Nziã Edzayi ndiri:
"Byɛ eyoo bam ngesɛ, ki ekwaal byɛ otsɛn kyam pyɛ.
Byɛ etal, ki emwɛn byɛ kyam pyɛ.
Ke ngwel wɛ, ɔ̃kwal a yam li oyii y’olyam,
ãtswi ã bɔ ãyii embi, bɔ akuru mviil,
kwɛn bɔ abee omwɛn me mviil ã bɔ, abee oyoo m’ãtswi ã bɔ,
abee otsɛn okwaal m’ɛ̃kwal ɛ̃ bɔ,
abee ɛ̃kwal okaal, kwɛn mɛ̃ mbee hɛ̃ bɔ oboo."»
«Kɛn a byɛ, esɛ eli ola byɛ, ke ngwel wɛ mviil ã byɛ ãmwɛn bvool ãtswi ã byɛ ãyoo!
Ãndɔɔ m’ãsuul mbuul ye mbiin
Ke mbee oŋɔ̃, Yeso oti embuul e baal mbel, bu ayɛɛn ndiri: «Eyoo mɛ̃ bvool ekwaal otsɛn o ndɔɔ yi.
Ebuɛɛn hɛ̃ me ndɔɔ a bee, kwɛn oŋɔ̃ Nziã adzweel bee nkuul yi eyetee Endɔɔ e ndɛ, yi etsal nsia a ndɔɔ a Mãsia yi m’edziɔɔn. Me ndɔɔ a ndɔɔ oyɔ, mɛ̃ ndi onse bwal.