A fé vem pelo ouvir

24 "मछ्यु, ङा जेजन ऐढाच्या, जोले ङा बचन थटौ ओटन ङाजन परिङन्याल यर्त बिस्वास ढोव, नका सकाए अनन्त जिबन लेया। ना नियाल मारांडी, तर सिइकालतन नका जिबनल रा:स्यु लेया।

25 ङा जेजन मछ्यु, ऐढाच्या, नका बेला रांदा, ओटन ना बेला आकै ज्या, जब सिन्याङै परमेस्वरलं ज़ाल ग़ा थएर, ओटन थएन्याङ बान्चिन्या लेरा।

44 ङाजन परिङन्या बौले माच्योङौरकन काङ्काई ङाल्योङ रांऔ माढुदुरदी, ओटन ङा नकाङजन आखिरी दिनल जिङदा जातङरा। 45 ‘ओटन नकाङ सोगलैजन परमेस्वरङन ह्युउसिरा’ ऐलेस्यु अगमबक्ताङल किटापल सरसिस्यु लेया। जोले बौङन थटौ सनर ह्युउसी ना ङाल्योङ रांया।✝ 46 बौजन काङ्काई रुले रङस्यु माल्दी, ओले याएजै रङस्यु लेया, जो परमेस्वरङन रा:स्यु ले ओलेई बौजन रङस्यु लेया। 47 मछ्यु ङा जेजन ऐढाच्या, जोले बिस्वास ढोव, नासकाए अनन्त जिबन लेया।

23 यदि जोल थएन्या नाले नकाले ग्याथटौत्या।"

15 ओटन येशुले नकाङजन ऐआढोवाङ, "सोगलै सङ्सारलं हिनस्यु सोगलै स्रिस्टीजन प्रचार ढोचिते।✝

14 यशैयाल अगमबानी नकाङल्योङन पुरा ताइस्यु लेया, "थएन्या ता जे ऐथएच्या, तर खकै माबुजिचिदी, ब्याएन्या ता ऐब्याएच्या, तर खकै मारङचिदी।✝ 15 दानाङभन्या ईका रुयाङै यिङ अल्सि ताइस्यु लेया, ओटन नकाङल ना भैरा ताइस्यु लेया, ओटन नकाङ म्युउ बन्द ताइस्यु लेया, मानकन्ता नकाङै रङदुरा होला, नाले ठएदुरा होला, रायिङले बुझिदुरा होला, सनर वल्दुराहोला, ओटन ङा नकाङजन सबेल्दुङरा होला। 16 तर बअचान्या जे म्युउ हो, दानाङभन्या नकाने रङन्या। ओटन जे नानेले थएन्या।✝

नै जन्तुले रुजन अशुद्द जाटौ

10 येशुले तबर रुयाङजन आलेऊदेए आखुल्वाङ ओटन नकाङजन ऐआढोवाङ, "थएचिते ओटन बुजिचिते।