12 Ntuge Shekwoyi ɓədagbma kwo n wyewyeyi lo jesnu kwoi zhni tnutnu. Kwo gyígyíyi n du əbeyaakwo agbe-abada dəhodəhoi. Kwo byidna kwa gna bwugba ajeya n zafnui, akpi n lómwui; kwo da aɓənubwozhni owa n ədu alui.

1 Ń ayayaba ɓədagbma ɓə nyi, Ɓədagbma yi ɓə kwnusnu n Shekwoyii nu, jesnu Ɓədagbma yi ɓə zhni Shekwoyi nu.

14 Ɓədagbma kwo ɓə la zè nayi jesnu waa dna n əyi atasni. Yi kwu əwo latu gyewye, latu Nugwnu ɓyigba nya, ń wo ɓə gbmi n Dada aba, n nunui n shebmyashii ɓədo n gaiciyanunuii.

63 Zafnu nu ga wyewyeyi; nayi to n apmai m. Aɓədagbma n mi kwu gna fye nyi; ɓa nunui lo n Zafnui jesnu n wyewyeyii.

3 Fye pma wu lo n gyigyii ntu n ɓədagbma ɓo n mi kwu da ga əfye nyi.

4 Yeisu wa dnaɓəgbe, "Kwo kafyilo: ‘Zanyikwoci taa gyianyì n nyagyii nu gbmanyi m, ama n ɓədagbma dəhodəhoi ń kwo gbmi n Shekwoyi əgbe.’ "

35 Əshe ń əknyii ɓa ɓə la duya, ama əmi aɓədagbma taa duya m nanyinanyi.

15 La əhohni yi ha wu əhohni n Shekwoyi aba ngye əza n wo la wo gwo, tnutnuyi n vnyinkwo taa wo əwo m, n wo shi ɓədagbma gaiciyanunui nya ɓwa cewo.

2 Ngye aɓyipwutu, fye kwnufnafna ɓeɓegbma tnadodnai zafnu nya, n əkwoi nu n fye ɓa myi fya mwa fyi n əfye gnyignyi,