A última palavra vem do Senhor

1 Man i save mekem plan blong hem, be Hae God nomo i save talem se plan ya i gud no i nogud.

4 Olgeta samting we Hae God i mekem, hem i mekem we olgeta wanwan oli gat plan blong olgeta we bambae oli mas kamtru. Mo man nogud tu, Hae God i mekem plan blong hem we i blong spolem hem olgeta.

19 God i no olsem man,

we i save giaman, hem i no olsem yumi,

we yumi save jenisim tok blong yumi.

Sipos hem i promes blong mekem wan samting, be bambae hem i mas mekem.

Sipos hem i talem tok blong hem, be wantaem nomo,

tok ya i mas kamtru.

23 Be Hae God i talem se, "?Weswe? ?Yu ting se mi mi no naf blong mekem samting ya? !Mbae yu luk!"

11 Tok blong mi bambae i wok long sem fasin.

Bambae hem i mekem olgeta samting

we mi mi mekem plan se i mas mekem,

we i no mestem wan long olgeta,

bambae hem i mekem evri samting

we mi mi sanem hem blong i mekem.

27 ‘Mi mi Hae God, mi God blong olgeta man, mo i no gat wan samting we i strong tumas, we mi mi no save mekem.

2 "Hae God.

Mi save we yu yu gat olgeta paoa,

mo yu save mekem olgeta samting

we yu wantem.

6 Hem i stap mekem olgeta samting we hem i wantem,

long skae mo long graon,

mo long solwota mo long dipsi daon.

17 Fastaem,

taem we God i no mekem ol samting ya yet,

be Kraes i stap finis.

Mo hem nomo i stap holem olgeta samting ya

oli stap joen wanples

blong oli mekem prapa wok blong olgeta.

35 Bambae skae mo graon, tufala i lus, be tok blong mi bambae i no save lus samtaem.

8 Mo hem i talem long mi se, "Dei blong ol samting ya we mi stap tokbaot, bambae i mas kamtru, stret olsem we mi mi talem.

14 Yufala i no save nating wanem bambae i save kamtru long laef blong yufala tumora. Yufala i olsem smok blong hil nomo. Smok ya i save kamtru we i stap smoltaem nomo, nao biaen i lus bakegen. 15 I stret blong yufala i talem se, "Sipos Hae God i wantem, bambae mifala i stap laef, nao bambae mifala i save mekem olsem, no olsem."