Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
यहोवारो डर मन्नो अक्लरी शुरुआते;
अक्ल ते शिक्षाई बेवकूफ लोक घटिया समझ़तन।
यहोवारो डर मन्नो अक्लरी शुरुआते,
ते परमपवित्र परमेशर ज़ाननो ही समझ़े।
यहोवारो डर मन्ने सेइं अक्लरी शिक्षा हासिल भोतीए,
ते इज़्ज़ती करां पेइले नम्रता एइतीए।
घबराहटी सेइं बड़े रखोरे धने करां,
यहोवारे डरे साथी थोड़ी दौलत रोड़ीए,
यहोवारो डर मन्नो बुरैई सेइं बैर रखनोए।
घमण्ड ते अहंकार, बुरी चाली सेइं,
ते उलट-फेरेरी गल्लन सेइं अवं बैर रखतीं।
नम्रता ते यहोवारो डर मन्नेरो फल धन,
आदर ते लम्मी ज़िन्दगी भोतीए।
अपने नज़री मां अक्लमन्द नईं बन्नू;
यहोवारो डर मन्नो, ते बुरैई करां अलग रानू।
एरू केरने सेइं तेरी जान नीरोग,
ते तेरी हेड्डी तंदरुस्त रहेली।
शोभा त झूठी ते खूबसूरती बेकारे,
पन ज़ै कौन्श यहोवारो डर मन्नतीए, तैसेरी तारीफ़ की गाली।
हुनी सब किछ शुनू जेवं; आखरी गल ई आहे कि परमेशरे करां डर, ते तैसेरे हुक्मन पुड़ च़ल; किजोकि मैन्हेरो फर्ज़ सिर्फ ई आहे।
अक्लरी शुरुआत यहोवारो डरे;
ज़ेत्रे तैसेरे हुक्म मनतन,
तैन केरि समझ़ रोड़ी भोतीए।
तैसेरी तारीफ़ सदा बनोरी राली।
यहोवारी तारीफ़ केरा!
केत्रो धने तै मैन्हु ज़ै यहोवारो डर मन्ते,
ते तैसेरे हुक्मन सेइं बड़ो खुशी भोते!
केत्रो धने तै मैन्हु ज़ै यहोवारो डर मन्ते,
ते तैसेरे बत्तन पुड़ च़लते!
हेरा, यहोवारी नज़र तैसेरो डर मन्ने बालन पुड़
ते तैन पुड़ ज़ैना तैसेरी करुणारी उमीद रखतन,
बनोरी रहतीए,
परमेशर असन बरकत देलो;
ते दुनियारे दूर-दूर मुल्खां केरे सब लोक तैसेरो डर मन्नेले।
पन तुश्शे लेई ज़ै मेरे नंव्वेरो डर मनतो भोए, धार्मिकतारो दिहाड़ो निस्सेलो, ते तैसेरी किरणा केरे ज़िरिये सेइं तुसां बेझ़ोई गाले; ते तुसां निस्सतां पालोरे बछ़ड़ेरे ज़ेरे उछ़ड़ेले ते छालां मारेले।
"हुनी, हे इस्राएल, तेरो परमेशर यहोवा तीं करां इसेरे अलावा होरू कुन चाते, कि तू अपने परमेशर यहोवारो डर मन्नस, ते तैसेरे सारे बत्तन पुड़ च़लस, तैस सेइं प्यार केरस, ते अपने पूरे मने ते अपने सारे प्राणे सेइं तैसेरी सेवा केरस, ते यहोवारे ज़ैना-ज़ैना हुक्म ते विधि अवं अज़ तीं शुनाताईं तैन्न मन्नस, ज़ैस सेइं तेरू भलू भोए?
तुस अपने परमेशर यहोवाए पत्ती च़ेलथ, ते तैसेरो डर मेन्नथ, ते तैसेरे हुक्मन पुड़ च़ेलथ, ते तैसेरू वचन मेन्नथ, ते तैसेरी सेवा केरथ, ते तैस सेइं लिपटोरे रेइयथ।
एल्हेरेलेइ कि घैई परमेशरे करां डेरती थी तैनी तैन केरां घरां बस्सां।
किजोकि हे ट्लारव परमेशरे वाधो कियोरो कि तै असन अपने बच्चां केरे रूपे मां कबूल केरेलो, त एज्जा, अस अपने आपे ते जिसमेरी ते आत्मारी सब गन्दगी शुद्ध केरम, ते परमेशरेरो डर मेनतां ते इज़्ज़त केरतां, ते परमेशरेरी बत्तां च़लनेरे लेई पूरे तरीके सेइं पवित्र ज़िन्दगी ज़ींम।
एल्हेरेलेइ हर केन्चेरू हक देथ, ज़ेसेरी धड़त बनतीए तैस धड़त देथ; ज़ेसेरी चुंगी बनतीए तैस चुंगी देथ; ज़ेसेरी इज़्ज़त ते आदर कियोरी लोड़े तैसेरी इज़्ज़त ते आदर केरा।
ज़ै अपने पड़ोसी पुड़ दया न केरे,
तै सर्वशक्तिमान परमेशरेरो डर मन्नो छ़ेडी देते।