Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
አዳ ኤራተዉ ዶመይ መና ጎዳዉ ያይያዋ፤ ሽን ቦዛቱ አዳ ኤራተነ ሴራ ካኖ።
አዳ ኤራተዉ ዶመይ መና ጎዳዉ ያይያዋ፤ ጌሻ ጾሳ ኤርያዌ አኬክያዋ።
መና ጎዳዉ ያይያዌ አሳ አዳ ኤራተ ታማርሴ፤ ቦንቼታና ኮዬዳ አሳይ ኮይሮ ባረና ካዉሻናዉ ኮሼ።
ዋላሳይ ደእያ ዎልቃማ አቁዋፐ መና ጎዳ ያሻተይ ደእያ ጉባይ ኬካ።
መና ጎዳዉ ያይያዌ ኢታተ እጽያዋ፤ ታን ኦቶሩዋነ አዩዋ እጻይ፤ ኢታሳ አፍያ ኦግያነ ዎርዱዋ ሃሳያ ዶስከ።
ኔን አሽከ ግዶፐነ መና ጎዳዉ ያዮፐ፥ ዱረተ፥ ቦንቹዋነ ደኡዋ ደማና።
ኔና ነ ሁጲያን አዳ ኤራንቻ ከሶፓ፤ መና ጎዳዉ ያያ፤ ኢታፐካ ሃካ። ሄዌ ነ ቦላ ፓጻ ዎና፤ ነ መቀካ ምንሳና።
ማላ ሎኦተይ አላለ ከሰና፤ ፑልካ ያና፤ ሽን መና ጎዳዉ ያይያ ምሽራታ፥ እዛ ጋላተታናዉ በሳዉ።
ሄኮ ኡባባይ ኦደቴዳ፤ ሄዋ ድራዉ፥ ኡባባዉ ኩሻይ ሀዋ: ጾሳዉ ያያ፤ አ አዛዙዋ ናጋ። አያዉ ጎፐ፥ ሄዌ አሳዉ ዋና ኦሱዋ።
ኤራተዉ ኮይሩ መና ጎዳዉ ያይያዋ፤
አ ዎጋ ኦያዋንቶ ሎኦ አኬካይ ደኤ።
ጾሳይ መናዉ ጋላተቶ!
መና ጎዳ ጋላትተ! መና ጎዳዉ ያይያነ፥
አ አዛዙዋ ፖላናዉ ዳሮፐ ናሸትያ አሳይ፥
አንጀቴዳዋ።
መና ጎዳዉ ያይያዋንቱነ፥
አ ኦግያን ሀመትያዋንቱ ኡባይ አንጀቴዳዋንታ።
መና ጎዳ አይፈቱ አዉ ያይያነ
አገና አ ሲቁዋን ህዶታ ኦያ አሳቱዋ ቦላና።
ጾሳይ ኑና አንጄዳ።
ሳኣ ጋጻ ጋካናዉ ደእያ አሳይ ኡባይ አዉ ያዮ።
ሽን ህንተንቶ፥ ታ ሱንዉ ያይያዋንቶ አ ቀፍያ ግዶን ፓያባይ ደእያ ጽሎተ አዋይ ሞካና። ህንተካ አቁዋፐ ብለቴዳ ጋሎ ማራዳን ቡራቃና።
"እስራኤልያ አሳዉ፥ መና ጎዳ ህንተ ጾሳይ ህንተፐ ኮይያዌ ሀዋ: መና ጎዳዉ፥ ህንተ ጾሳዉ፥ ያይተ፤ አ ኦግያን ኡባን ሀመትተ፤ አ ሲቅተ፤ ህንተ ኩመን ዎዛናፐነ ኩመን ሸምፑዋፐ መና ጎዳዉ፥ ህንተ ጾሳዉ ኦተ። ህንተዉ ሎአናዳን፥ ታን ሀች ህንተንቶ እምያ መና ጎዳ አዛዞቱዋነ አዋዮቱዋ ናግተ።
መና ጎዳ ህንተ ጾሳ ካልተ፤ አዉ ያይተ፤ አ አዛዙዋ ናግተ፤ አ ቃላካ ስስተ፤ አዉ ጎይንተ፤ አፐ ዱጾፕተ።
ቃይ ማርስያዋንቱ ጾሳዉ ያዬዳ ድራዉ፥ ጾሳይ ኡንቱንቶ ሎኦባ ኦዳ። እቶ እቶካ ሶ አሳ እሜዳ።
ሄዋ ድራዉ፥ ታ ሲቃቶ፥ ጾሳይ ሀ ኡባባ ኑዉ እማና ጌዳዋፐ ህን ባጋን፥ ኑ አሹዋነ ኑ ሸምፑዋ ቱንስያ ኡባባፐ ኑ ሁጲያ አነ ጌሾይተ፤ ቃይ ጾሳዉ ያይያዋን ኡባና ጌዪደ ደኤቶ።
ኡባ አሳዉካ በስያዋ እምተ። ጊራ ጊራናዉ በስያዎ ጊርተ፤ ቃራጻ ቃንጻናዉ በስያዎ ቃንጽተ፤ ያያናዉ በስያዎ ያይተ፤ ቦንቹ በስያዋ ቦንችተ።
"መቱዋን ደእያ ኡራይ ኡባ ዳንዳይያ ጾሳዉ ያይያዋ አግንቶካ፥ አ ላገቱ አዉ ኬካተ በሳናዉ ኮሼ።