ሎኦ አሳ ናሸቻ
1 መና ጎዳ ጋላትተ! መና ጎዳዉ ያይያነ፥
አ አዛዙዋ ፖላናዉ ዳሮፐ ናሸትያ አሳይ፥
አንጀቴዳዋ።
2 አ ናናቱ ቢታን ዎልቃማ ግዳና፤
ሱረ አሳቱዋ የለታይ አንጀታና።
3 ሻሉነ ዱረተይ አ ጎልያን ደኤ፤
አ ጽሎተይካ መናዉ ደአና።
4 ሱረ አሳዉ፥
ኬካ፥ ጽሎነ ቃረትያ አሳቶ፥
ማ ግዶን ፖኡ ፖኤ።
5 ኬካተን ጮ ታልእያ ኡራዉ፥
ባረ ኦሱዋ ሱረተን ኦያ ኡራዉ፥
ኬካባይ ያና።
6 ጽሎ አሳይ አዉደነ ኩንደና፤
መናዉ እ ሀሳየታና።
7 ኢታባ እ ስሶፐካ ዳጋመና፤
አያዉ ጎፐ፥ አ ዎዛናይ ቃጸና፤
መና ጎዳን እ አማነቴ።
8 አ ዎዛናይ ጻላ ግድያ ድራዉ፥
ኡባካ እ ያየና፤
ዉርሰን ባረ ሞርከቱ ጾነትና በአና።
9 እ ህዬሳ አሳዉ ዳርሲደ እሜዳ፤112:9 2 ቆሮ. 9:9
ቃይ አ ጽሎተይ መናዉ ደኤ፤
አ ካጪ ቦንቹዋን ቁ ጌ።
10 ኢታ አሳይ ሄዋ በኢደ ይሎቴ፤
አቻ ጋርጪደ፥ ጮ ዬ።
ኢታ አሳ አሙ ጮ አታናዋ።