ማዝሙርያ 97

ጾሳይ ኡባፐ ቦላ

1 መና ጎዳይ ካዉቴዳ።

ሳኣን ደእያ አሳይ ናሸቶ፤

ሃኮ ሃን ዶደቶ ሳን ደእያ አሳቱካ ናሸትኖ።

2 ሻሪነ ጵ ጎ ማይ አ ዶዴዳ።

ጽሎተይነ ቱማተይ አ ካዉተ አራታዉ ባሶ።

3 ታማይ አፐ ስንና ቤ፤

አ ዶዴዳ ሞርከቱዋ ጹጌ።

4 አ ዋልቃንይ ሳኣ ፖእሴ፤

ቢታይ ሄዋ በኢደ ኮኮሬ።

5 መና ጎዳ ስንን፥ ሳኣ ኡባ ጎዳ ስንን

ዎጋ ደረቱ ኤሳ ሙቃዳዳን ሙሺኖ።

6 ሳሎቱ አ ጽሎተ አዋዪኖ፤

አሳይ ኡባይ አ ቦንቹዋ በኤ።

7 ዎርዶ ጾሳቶ ጎይንያዋንቱነ

ሄ ጎኤና ኤቃቱዋን ጬቀትያዋንቱ ኡባይ ዬላትኖ።

ጾሳቱ ኡባይ ጾሳዉ ጉልባትኖ።

8 አቤት መና ጎዳዉ፥ ጽዮነ አሳይ፥

ነ ጽሎ ፕርዳ ስሲደ ናሸቴ፤

ይሁዳ ካታማቱዋ አሳይካ ሀሹ ጌ።

9 አቤት መና ጎዳዉ፥ ኔን ሳኣ ኡባፐ ቃሳ፤

ጾሳቱዋ ኡባፐ ኔን ቁ ጋሳ።

10 መና ጎዳ ሲቅያዋንቱ ኢታ እጽተ።

እ ባረዉ አማነትያ አሳቱዋ ሸምፑዋ ናጌ፤

ቃይ ኡንቱንታ ኢታቱዋ ኩሽያፐ አሼ።

11 ጽሎቶ ፖኡ ፖኤ፤

ዎዛና ሱረቶ ናሸቻይ ደኤ።

12 ህንተኖ ጽሎቶ፥ መና ጎዳን ናሸትተ፤

አ ጌሻ ሱን ጋላትተ።