1 መና ጎዳ ጋላትተ! ሱረቱ ሺቅያ ሺቁዋን፥

ታን ታ ፖሎ ዎዛናፐ መና ጎዳ ጋላታና።

2 መና ጎዳ ኦሶቱ አይ ኬሻ ግቴ!

ኡንቱንቱን ናሸትያዋንቱ ኡባይ ኡንቱንታ ቆፓናዉ በሴ።

3 አ ኦሶቱ ቦንቹዋንነ

አንጋን ኩሜዳዋንታ።

አ ጽሎተይካ መናዉ ደኤ።

4 እ ባረ ማላልስያ ኦሶቱ፥

ሀሳየታናዳን ኦዳ።

መና ጎዳይ ቃረትያዋነ ማርያዋ።

5 ባረዉ ያይያዋንቶ ቁማ እ እሜ፤

እ ባረ ጫቁዋ መናዉካ ቆፔ።

6 አላጋቱዋ ቢታ እምያዋን

እ ባረ ኦሱዋ ዎልቃ ባረ አሳ በሴዳ።

7 አ ኩሽያ ኦሶቱ ቱማነ ልከ፤

አ ዎጋቱካ ኡባይ አማነትያዋንታ።

8 ኡንቱንቱነ መ መናዉ ኤቂደ ደእያዋንታ፤

ቱማተንነ ሱረተን እመቴዳዋንታ።

9 እ ባረ አሳ ዎዚደ ከሴዳ፤

እ ባረ ጫቁዋ ኡንቱንቱና መናዉ ዎዳ።

አ ሱንይ ጌሻነ፥ "ሆላ!" ጊስያዋ።

10 ኤራተዉ ኮይሩ መና ጎዳዉ ያይያዋ፤✝

አ ዎጋ ኦያዋንቶ ሎኦ አኬካይ ደኤ።

ጾሳይ መናዉ ጋላተቶ!