1 መና ጎዳዉ፥ ኑና ማዳርኪ?

አያዉ ጎፐ፥ ጾሳ አሳይ ኡባካ ባዋ፤

አሳ ግዶን አማነትያዌ ይክቼዳ።

2 ኡባ ዎደካ እቱ እቶ ዎርዱዋ ሃሳዪኖ፤

እቱ እቱዋ ሸሌሽያ እንጻርሳን ባለዋን ሃሳዪኖ።

3 አቤት መና ጎዳዉ፥ ሀ ሸሌሽያ ዶና ባራ።

ኦቶሩዋን ጬቀትያ እንጻርሳ ኡባ ኔን ጭጋ ኦላ።

4 ኡንቱንቱ፥ "ኑን ኑ እንጻርሳን ጾናና፤

ኑ መተርሻይ ኑዋ፤ ኑ ጎዳይ ኦኔ?" ያግኖ።

5 መና ጎዳይ፥ "ህዬሳቱ ኡንኤቴዳ ድራዉነ፥

መቶታንቻቱዋ ኦልያ ድራዉ፥

ሀእ ታን ደንዳና።

ታን ኡንቱንቱ አሞትያ ሳሮተን ኡንቱንታ ዎና" ያጌ።

6 ጾሳ ቃላቱ ዋላክ ባይና ጌሻቱዋ፤

ጮጭያ ታማን ላፑን ገደ ትገቴዳ ብራዳን ጌዬዳዋንታ።

7 አቤት መና ጎዳዉ፥ ኔን ኡንቱንታ ሳሮተን ናጋነ

ሀዋ ማላ አሳፐ መናዉ ኡንቱንታ አሻ።

8 አሳ ግዱዋን ኢታይ ቦንቼቴዳ ዎደ፥

ኢታቱ ኡባ ሳና ስመረቴድኖ።