1 ቦዛቱ ባረንቱ ዎዛናን፥✝

"ጾሳይ ባዋ" ያጊኖ።

ኡንቱንቱ ደኡ ባዬዳ።

ኡንቱንቱ ሸነይያባ ኦኖ፤

ሎእያባ ኦያ አሳይ ባዋ።

2 ጾሳ ኮይያ ኤራንቻቱ ደእንቶነ በአናዉ፥

ጾሳይ ሳሉዋፐ ዱገ አሳ ጼሌ።

3 ኡንቱንቱ ኡባይካ ጾሳፐ ሃኬድኖ፤

ኡባይካ እትፐ ቱኔድኖ።

ሎኡዋ ኦያ አሳይ ባዋ፤

ሀራይ አቶ እቱነ ባዋ።

4 ጾሳይ፥ "ሀዋንቱ ታ አሳ ቦንቂ ምያ ኢታ አሳቱ

ቱሙ አይነ ኤርክኖ?

ኡንቱንቱ ታና ዎስክኖ" ያጌ።

5 ኡንቱንቱ ካሰ ዳጋም ኤረናዋ ኬሻ ዳጋማና።

አያዉ ጎፐ፥ ጾሳይ ባረ አሳ ሞርክያዋንቱ መቀ ላላና።

ጾሳይ ኡንቱንታ ካዳ ድራዉ፥ ኡንቱንቱ ዬላታና።

6 እስራኤልያዉ አቶተይ ጽዮነፐ ዬረኔ!

ጾሳይ ባረ አሳ ኦሞዱዋ ዛርያ ዎደ፥

ያቆባ ዛራቱ ናሸታና፤

እስራኤልያ አሳይ ናሸቻዉ ፖጩ ጋና።