ማዝሙርያ 105

ማላልስያ እስራኤልያ ታርክያ

1 መና ጎዳ ጋላትተ፤ አ ሱን ጼስተ።

እ ኦዳዋ ካዉተቱዋ ግዱዋን ኤርስተ።

2 አ ሳቢተ፤ ጋላታ የ አዉ የጽተ።

አ ማላልስያ ኦሱዋ ኡባባ ኦድተ።

3 አ ጌሻ ሱንን ጬቀትተ፤

መና ጎዳ ኮይያ ዎዛናቱ ናሸትኖ።

4 መና ጎዳነ አ ዎልቃ ጾሞስተ፤

ኡባ ገደ አ ስን ኮይተ።

5 እ ኦዳ ማላልስያባ፥

አ ማላታነ እ ፕርዴዳ ፕርዳ ሀሳይተ።

6 ህንተኖ፥

አ ቆማ አብራሃማ ዘረቶ፥

ዶረቴዳ ያቆባ ናቶ።

7 እ መና ጎዳ ኑ ጾሳ፤

አ ቱሞ ፕርዳይካ ሳኣ ኡባ ቦላና።

8 እ ባረ ጫቁዋ መናዉ፥

ባረ አዛዜዳ ቃላ ሻኡ የለታ ጋካናዉ ናጌ።

9 ሄዌነ፥ እ፥ አብራሃማና ጫቀቴዳ ጫቁዋ፥✝105:9 ዶመ 12:7፤ 17:8፤ 26:3

ይሳቃዉ ጫቄዳ ጫቁዋ፥

10 ያቆባዉ ዎጋ፥✝105:10-11 ዶመ 28:13

እስራኤልያዉካ መና ጫቁዋ

ኦደ ምንሴዳ።

11 ሀዋዳን ያጌዳ፤

"ነዉ ካናነ ቢታ እማና፤

እ ነ ዘረቶ ላታ ግዳና" ያጌዳ።

12 ጾሳ አሳቱ ፓይዱዋን ጺ ጉነ

ካናነ ቢታን በተ ግዲደ ደእያ ዎደ፥

13 እት ጋድያፐ ሀራ ጋድያ፥

እት ካዉተፐ ሀራ ካዉተ ዩዬድኖ።

14 ጾሳይ ኡንቱንታ ኦንነ ናቃናዉ እምቤና፤✝105:14-15 ዶመ 20:3-7

ኡንቱንቱ ድራዉ ካተቱዋ ሴሪደ፥

15 "ታን ኦኬዳዋንታ ቦቾፕተ፤

ታ ትምቢትያ ኦድያዋንታ ቆሆፕተ" ያጌዳ።

16 ጾሳይ ቢታን ኮሻ የዲደ፥✝105:16 ዶመ 41:53-57

ኡንቱንቱ ካ ኡባ ይሴዳ።

17 ሽን እ ባረ አሳ አሻናዉ፥✝105:17 ዶመ 37:28፤ 45:5

እት ብታንያ ግብጼ ኪቴዳ፤

ሄ ብታኒ አይለ ግዲደ ዛልኤቴዳ ዮሴፋ።

18 አ ገደቱ ብራታን ቃሸቴድኖ፤✝105:18-19 ዶመ 39:20—40:23

ኡንቱንቱ አ ሳንሳላታን ቃቼድኖ።

19 እ ካሰ ኦዴዳዌ ፖለታና ጋካናዉ፥

መና ጎዳ ቃላይ አ ፓጬዳ።

20 ግብጼ ካቲ ኪቲደ ቃሾ ጎልያፐ ከሴዳ፥✝105:20 ዶመ 41:14

ጋድያ ሞድያዌ ብሌዳ።

21 እካ፥ አ ባረ ጎልያዉ ጎዳ ኦዳነ።✝105:21 ዶመ 41:39-41

ባረዉ ደእያዋ ኡባ ቦላ ሱንዳ።

22 ባረዉ ዋና ካፖቱዋ አዛዛና ማላነ

ባረ ጭማቱዋ ዞራና ማላ ማታዬዳ።

23 ሄዋፐ ጉይያን፥ እስራኤሊ ግብጼ ገሌዳ፥✝105:23 ዶመ 46:6፤ 47:11

ያይቆበ ካመ ቢታን በተ ግዲደ ደኤዳ።

24 መና ጎዳይ ባረ አሳ ዳሮ ጮራዬዳ፤✝105:24-25 ከሳ 1:7-14

ኡንቱንቱ ሞርከቱዋፐ ኡንቱንታ አደ ምን።

25 እ ግብጼ አሳይ ባረ አሳ እጻናዳንነ

ባረ ቆማቱዋ ጭማናዳን ኦዳ።

26 ሄዋፐ ጉይያን፥ ባረ ቆማ ሙሳነ✝105:26 ከሳ 3:1—4:17

ባረ ዶሬዳ አሮና ኡንቱንቱኮ ኪቴዳ።

27 ኡንቱንቱ ግብጼ አሳቱዋ ስንን ጾሳ ማላታ፥

ካመ ቢታን ኦራባ ኦድኖ።

28 ጾሳይ ማ ኪቲደ፥✝105:28 ከሳ 10:21-23

ሄ ቢታ ምሴዳ፤

ሽን ግብጼ አሳቱ አ አዛዙዋ እጼድኖ።

29 እ ኡንቱንቱ ሃ ሱዉ ላሚደ፥✝105:29 ከሳ 7:17-21

ሞለቱዋ ዎዳ።

30 ኡንቱንቱ ቢታ ኡባ፥✝105:30 ከሳ 8:1-6

ካትያ ጎልያካ ሸ ኩሜዳ።

31 እ አዛዝና፥ ኡዱንጺነ ቢኒ✝105:31 ከሳ 8:16-17፣ 20-24

ኡንቱንቱ ቢታ ኡባ ቦላ ሻምእሻምኤዳ።

32 ኡንቱንቱ ቢታ ቦላን እራ ድራዉ

ሻቻ ዋልቃንና ቡክሴዳ።✝105:32-33 ከሳ 9:22-25

33 እ ኡንቱንቱ ዎይንያ ቱራነ

ባላስያ ግያ ም ሾጬዳ፤

ኡንቱንቱ ቢታን ደእያ ምካ ክንቼሬዳ።

34 እ አዛዝና፥ ቦሊነ

ፓይዱ ባይና ቡምቡረይ ከሴዳ።✝105:34-35 ከሳ 10:12-15

35 ኡንቱንቱ ቢታን ዶሌዳ ካ ኡባ ሜዳ፤

ሳኣፐ እርጻባ ኡባካ ም ይሴዳ።

36 ጾሳይ ግብጼ አሳቱዋ ጎለ ባይራ ናናቱዋ ኡባ ዎዳ፤✝105:36 ከሳ 12:29

ኮይሮ የለቴዳ ኡባ ይሴዳ።

37 ሄዋፐ ጉይያን፥ እ እስራኤልያ አሳ

ዎርቃነ ብራ አሌቁዋና ከሴዳ፤✝105:37-38 ከሳ 12:33-36

ኡንቱንቱ ግዶፐ ኩንዲደ አቴዳዌ ኦንነ ባዋ።

38 ግብጼ አሳቱ ኡንቱንቶ ዳሮ ያዬዳ ድራዉ፥

ኡንቱንቱ ከሴዳዋን ናሸቴድኖ።

39 ጾሳይ ኡንቱንታ ካማናዉ ሻርያ ምጬዳ፤✝105:39 ከሳ 13:21-22

ቃማ ኡንቱንቶ ፖእሳናዉ ታማ ጊግሴዳ።

40 ኡንቱንቱ ምያዋ ኦችና፥

አካ ማላትያ ካፎቱዋ ኡንቱንቶ የዴዳ፤✝105:40 ከሳ 17:1-7፤ ፓይ. 20:2-13

ኡንቱንታ ሳሉዋ ቁማ ካልሴዳ።

41 እ ሹቻ ጳልቂና፥

ሃይ ፑልቴዳ፤

ሻፋዳን ባዙዋን ጎጌዳ።

42 እ ባረ ቆማ አብራሃማዉ፥

ገሌዳ ጌሻ ቃላ ሀሳዬዳ።

43 እ ባረ አሳ ናሸቻን፥

ባረ ዶሬዳዋንታ እልልሳን ከሴዳ።

44 እ ኡንቱንቶ ሀራ አሳቱዋ ቢታ እሜዳ፤✝105:44 ኢያሳ 11:16-23

ኡንቱንቱ ሀራቱ ዳቡሬዳ ጎሻ ላቴድኖ።

45 ሄዋ እ ኦዳዌ ኡንቱንቱ አ ዎጋ

ናጋናዳናነ አ ህግያ ኦናዳና።

መና ጎዳ ጋላትተ!