ማዝሙርያ 2

ጾሳን ዶረቴዳ ካትያ

1 አማነናዋንቱ አያዉ ደንዲኖ?✝2:1-2 ኪታ 4:25-26

ቃይ ካዉተቱ አያዉ ፓናባ ማቀቲኖ?

2 ሳኣ ካተቱ ደንዴድኖ፤

አሳ ሞድያዋንቱ እትፐ ሺቄድኖ።

ኡንቱንቱ መና ጎዳ ቦላነ

እ ኦኬዳዋ ቦላ እትፐ ሺቄድኖ።

3 ኡንቱንቱ፥ "ኑን ኡንቱንቱ ሳንሳላታ ዱይተ፤

ኡንቱንቱ ኑና ቃችያዋካ ዎራ ኦሎይተ" ያጊኖ።

4 ሳሉዋን ባረ አራታን ኡቴዳዌ

ኡንቱንቱ ቦላ ሚጬ፤

ጎዳይ ኡንቱንቱ ቦላ ቅሊጬ።

5 እ ባረ ሀንቁዋን ኡንቱንታ ሴሬ፤

ባረ ዎልቃማ ሀንቁዋን ኡንቱንታ ያሽሴ።

6 ጎዳይ፥ "ታን ታ ጌሻ ደርያ ጽዮነ ቦላ

ታ ካትያ ካዉድ" ያጌ።

7 ሄ ካቲ፥ "ታን መና ጎዳ ህግያ አዋያና፤✝2:7 ኪታ 13:37፤ እብራ. 1:5፤ 5:5

እ ታና፥ ‘ኔን ታ ናኣ፤

ታን ሀች ነዉ አዉዋ ግዳድ።

8 ኔን ታና ኦቻ፤

ታን ካዉተ ኡባ ነዉ እማና፤

ሳኣ ኡባይ ነባ ግዳናዋ።

9 ኔን ብራታ ጻምአን ኡንቱንታ መንሬና፤✝2:9 ሳፃ 2:26-27፤ 12:5፤ 19:15

ኡንቱንታ ኔን ኡርቃ ሚሻ መንያዋዳን ሊቅሳና’ ያጌ" ያጌዳ።

10 ሄዋ ድራዉ፥ ህንተኖ ካተቶ፥ ኤያቶፕተ፤

ሀ ሳኣ ሞድያዋንቶ፥ ህንተና ናግተ!

11 መና ጎዳዉ ያሻተን ኦተ፤

ኮኮርሳን አዛዘትተ።

12 ጾሳይ ሀንቀትና፥ ኦግያን ህንተ የናዳን ሱረ ዎዛናን አዉ ጎይንተ፤

አያዉ ጎፐ፥ አ ሀንቁ ኤለካ ኤጽ ከሳና።

ባቃት አን ቆሰት አትያ ኡባቱ አንጀቴዳዋንታ።✝2:12 2 ሳሜላ 15:13—17:22