ጌሻ ጎልያ ገሉዋ ማዝሙርያ
ዳዊታ ማዛሙርያ
1 ሳአይነ ሳኣን ኩሜዳዌ ኡባይ መና ጎዳዋ፤24:1 1 ቆሮ. 10:26
ቢታይነ ቢታን ደእያባይ ኡባይ አዋ።
2 አያዉ ጎፐ፥ ሳኣ ዎልቃማ አባ ቦላን እ ሂጼዳ፤
ጪሞ ሃ ቦላን ምንሲደ ኤሴ።
3 መና ጎዳ ደርያ ግአናዌ ኦኔ?
አ ጌሻ ሳኣን ኤቃናዌ ኦኔ?
4 አ ኩሺ ናጋራፐ ጌዬዳዋ፥
አ ዎዛናይ ጌሻ ግዴዳዋ፥24:4 ማቶሳ 5:8
ኤቃዉ ጎይነናዋ፥
ዎርዱዋን ጫቀናዋ።
5 እ መና ጎዳፐ አንጁዋ አካና፤
አሽያ ጾሳፐ እ ጽሎተ ፕርድዳ አካና።
6 ጾሳኮ ጼልያ አሳይነ
ያቆባ ጾሳ ስን ኮይያ አሳይ ሀዋንቱ ማላ።
7 ፐንገቱ ዶየትተ! ቦንቾ ካቲ ገላና ማላ፤
በን ፐንጋቱ አ ናሸቻን ሞክተ!
8 ሄ ቦንቾ ካቲ ኦኔ?
ምኑነ ዎልቃማይ መና ጎዳቴ!
ኦላዉካ እ ዎልቃማ መና ጎዳቴ!
9 ፐንገቱ ዶየትተ! ቦንቾ ካቲ ገላና ማላ፤
በን ፐንጋቱ አ ናሸቻን ሞክተ!
10 ሀ ቦንቾ ካቲ ኦኔ?
ሀ ቦንቾ ካቲ ሳሉዋ መተቱዋ መና ጎዳቴ!