1 አቤት ጾሳዉ፥ አይሁዳ ግደና አሳቱ ነ ቢታ ቦላ ላቴድኖ።

ነ ጌሻ ጎልያ ቱንሴድኖ፤✝

የሩሳላመ ኮለሬድኖ።

2 ኡንቱንቱ ነ ቆማቱዋ አሃ፥

ሳሉዋ ካፎ ቁማ ኦደ፥ እሜድኖ።

ቃይ ነ ጌሻቱዋ አሹዋ ሳኣ ዶአቶ እሜድኖ።

3 ኡንቱንቱ ሱ የሩሳላመ ዩሹዋን፥

ሃዳን ጉሴድኖ፤

ኡንቱንቱ አሃ ሞግያዌ ዬዳ።

4 ኑ ሾሮቶ ኑን ሸቂያዋ ግዴዶ፤

ኑ ሄራን ደእያዋንቱ፥

ሚጭያዋነ ቅያዋ ግዴዶ።

5 አቤት መና ጎዳዉ፥ ሀዌ አዉደ ጋካናዉ ሀናኔ?

ኔን መናዉ ሀንቀታይ?

ነ ቃናትያ ሀንቁ ታማዳን ኤጻኔ?

6 ኔና ኤረና አሳቱዋ ቦላነ

ነ ሱን ጼሰና ካዉተቱዋ ቦላ ነ ሀንቁዋ ጉሳ።

7 አያዉ ጎፐ፥ ኡንቱንቱ ያቆባ ዘረቱዋ ዎድኖነ

ኡንቱንቱ ደኢያሳ ባይዜድኖ።

8 ካሰ ኑ አዎቱዋ ኢታተ ኑ ቦላ ፓይዶፓ።

ኤለካ ነ ማሮታ ኑዉ ኪታ፤

አያዉ ጎፐ፥ ኑን ሎይ መቶቴዶ።

9 አቤት ኑና አሽያ ጾሳዉ፥

ነ ሱን ቦንቹዋ ድራዉ፥ ኑና ማዳ።

ነ ሱን ድራዉ፥ ኑና አሻ፤

ኑ ናጋራ አቶ ያጋ።

10 አሳቱ አያዉ፥ "ኡንቱንቱ ጾሳይ ሀቃን ደኢ?" ያጋኔ?

ነ ቆማቱዋ ሱ ኡንቱንቱ ጉሴዳዋ ሀሉዋ፥

ኔን ከስያዋ ኑን ጼልሽን፥

ኡንቱንቱ ግዱዋን ቆንጭሳ።

11 ቃሸቴዳ አሳቱዋ ኦሊ ነ ስን ጋኮ።

ሀይቆ ፕርደቴዳዋንታ ነ ዎልቃ ግታተዳን አሻ።

12 አቤት ጾሳዉ፥ ኑ ሾሮ ካዉተቱ ኔና ቦሬዳዋ፥

ሀሉዋ ላፑን ኩሽያ ኡንቱንቱ ክዉዋን እድን።

13 ሄ ዎደ ኑን ነ አሳቱ፥ ነ ዉድያ ዶርሳቱ፥

መናዉ ጋላታ ነዉ እማና፤

የለታፐ የለታ ጋካናዉ ኔና ዛር ዛሪደ ጋላታና።