ጌሻ ጎልያ ሳባናዉ ሺቆ ማዝሙርያ
ፑደ ከሲደ የጼዳ የ
1 አቤት መና ጎዳዉ፥
ዳዊታነ እ ዳንዳዬዳ መቱዋ ቆፓ።
2 መና ጎዳዉ እ ጫቄዳዋ፥
ያቆባ ጾሳዉ፥ ዎልቃማዉ
እ ሀዋዳን ያጊደ ገፔዳዋ ሀሳያ፤
3 "ሀዋፐ ጉይያን ታን ታ ጎለ ገልከ፥
ዎይ ታ ሂጻን ግስከ።
4 ታን ታ አይፍያ ጪልምከ፥
ዎይ ገምእሽከ።
5 ሄዌነ፥ ታን መና ጎዳዉ ሳኣ፥
ያቆባ ጾሳዉ፥ ዎልቃማዉ
ደኢያሳ ጊግሳና ጋካናሳ" ያጌዳ።
6 ሄኮ፥ ኑን ታቦታባ፥
ቤተሌመን ስሴዶ፤132:6-10 2 ኦዱዋ 6:41-42
ይኣሪማ ግያ ቢታን አ ኑን ደሜዶ።
7 ኑን፥ "አነ እ ደኢያሳ ቦይተ፤
አ ገዲ የያሳን ጉፋኒደ፥
አዉ ጎይኔቶ" ያጌዶ።
8 አቤት መና ጎዳዉ፥ ደንዳ!
ነ ምኖተዉ ማላ ግድያ ነ ታቦታና፥
ነ ጌሻ ጎልያ ገላደ ደአ።
9 ነ ቄሳቱ ጽሎተ ማይኖ፤
ነ አሳቱ ናሸቻዉ የጽኖ።
10 ነ ቆማ ዳዊታ ድራዉ፥
ኔን ኦኬዳ ካትያ አጎፓ።
11 መና ጎዳይ ዳዊታዉ ላመተና ጫቁዋ
ሀዋዳን ያጊደ ጫቄዳ፤132:11 2 ሳሜላ 7:12-16፤ 1 ኦዱዋ 17:11-14፤ ማዝ. 89:3-4፤ ኪታ 2:30
"ነ ጉልባታፐ የለቴዳ ነ ናናቱዋፐ እቱዋ
ታን ካዉና።
12 ነ ናናቱ ታ ጫቁዋነ
ታን ታማርስያ ትምርትያ ናጎፐ፥
ኡንቱንቱ ናናቱካ ነ ካዉተ አራታን መናዉ ኡታና" ያጌዳ።
13 መና ጎዳይ ጽዮነ ዶሬዳ፤
ባረዉ ደኢያሳ ኦናዉካ አሞቲደ፥
ሀዋዳን ያጌዳ፤
14 "ሀዌ ታዉ መናዉ ደእያ ሳኣ፤
ታን አሞቴዳ ድራዉ፥ ሀዋን ኡታና።
15 ታን ዳሮ ካ እማደ ጽዮኖ አንጃና፤
እዝን ደእያ ህዬሳቱዋካ ቁማ ካልሳና።
16 እዝን ደእያ ቄሳቱ ዋካ
ታን አቶተ ማይዛና፤
እዝን ጾሳ አሳቱካ ናሸቻዉ የጻና።
17 "ሀ ሳኣን፥
ዳዊታ ዘረፐ እቱዋ ካዉና፤132:17 1 ካታ. 11:36
ታን ኦኬዳ ካትያ ካዉተ ጋምኤና።
18 ታን አ ሞርከቱዋ ዬላ ማይዛና፤
ሽን አ ሁጲያን ደእያ ካዉተ ካላቻይ ጶላና" ያጌዳ።