ማዝሙርያ 138

ጋላታ ዎሳ

ዳውት ጻፌዳዋ

1 አቤት መና ጎዳዉ፥ ታን ታ ኩመን ዎዛናፐ ኔና ጋላታና፤

ጾሳቱዋ ስንን ኔና ሳባና።

2 ነ ጌሻ ጎልያኮ ስማደ፥

ነዉ ጎይናደ፥ አገና ነ ሲቁዋነ ነ ቱማተ ድራዉ፥

ታን ነ ሱን ጋላታይ፤

አያዉ ጎፐ፥ ኔን ነ ሱንነ ነ ቃላ፥

ኡባፐ አደ ቁ ኦዳ።

3 ታን ጼሴዳ ጋላስ ታዉ ኮያዳ፤

ነ ምኖተን ታና ምንሳዳ።

4 አቤት መና ጎዳዉ፥ ሳኣን ደእያ ካተቱ ኡባይ፥

ኔና ጋላትኖ፤

አያዉ ጎፐ፥ ኡንቱንቱ ነ ዶናፐ ከሴዳ ቃላ ስሴድኖ።

5 መና ጎዳ ቦንቹ ዎልቃማ ግድያ ድራዉ፥

ኡንቱንቱ መና ጎዳ ኦግያዋ የጻና።

6 መና ጎዳይ ቦላ ቃን ደኦፐካ፥

ህዬሳቱዋ ኬካ አይፍያን ጼሌ።

ሽን ኦቶራንቻቱዋ እ ሃኩዋን ኤሬ።

7 ታን መቱዋ ግዱዋና ሀመቶፐካ፥

ኔን ታና ደኡዋን ናጋሳ።

ታ ሞርከቱዋ ሀንቁዋ ቦላ ነ ኩሽያ ምጫሳ፤

ነ ኡሸቻን ታና አሻሳ።

8 መና ጎዳይ ታዉ ጊደ ቆፔዳዋ ፖላና፤

አቤት መና ጎዳዉ፥ አገና ነ ሲቁ መናዋ።

ነ ኩሽያ ኦሱዋ አጋ አጎፓ።