Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Uhalonda ubala wanduse kumdumba Mndewa Mulungu,
wabozi watatali wolema kuzumigwa na mafundizo.
Uhalonda kuwa mbala wanduse kumdumba Mndewa Mulungu,
na kummanya Mulungu Yelile ni mwanduso wa umanyi.
Uhamdumba Mndewa Mulungu kwizaifunza ubala,
na unyendanyenda womulongolela hishima.
Muhavu uwe ngayengaye na kumdumba Mndewa Mulungu,
kufosa kuwa na utajili na magayo.
Kumdumba Mndewa Mulungu ni kuwihila wihi,
niye nokwihila utatali na magoda,
nokwihila mbuli za chinyala.
Unyendanyenda na kumdumba Mndewa Mulungu,
vogala utajili na hishima na ugima.
Sekeugese kuwa weye mbala,
mdumbe Mndewa Mulungu na sekeutende mbuli zihile.
Iyo izakutenda ugangamale,
na iyo izakutenda unenehe.
Kuihamba ng’hani ni uvwizi na unovu wa chihanga womala himahima,
mbali muke yomdumba Mndewa Mulungu kotogozigwa.
Zihamala mbuli izo zose zilongigwe, kuna mbuli yolondigwa kulongigwa, muhuwile Mulungu na uzindilile ndagilizi zake kwaviya icho ichimu cha kulumbigwa wanhu.
Uhalonda ubala wanduse kwa kumdumba Mndewa Mulungu,
wose wozindilila malagilizo yake wana umanyi.
Nhogolwa zake zokala siku zose.
Kudeng’helela kwa munhu yotenda mbuli zinogile
Mndewa Mulungu yatogolwe!
Wamweda wanhu waja womdumba Mndewa Mulungu,
wamweda waja wodeng’helela malagilizo yake.
Gweko da wanhu womdumba Mulungu
Wamweda wanhu womdumba Mndewa Mulungu,
waja wozindilila malagilizo yake.
Ziso da Mndewa Mulungu dowalola waja womdumba,
waja wohuwila ulondo wake wa kufunya umoyo,
Mulungu yagendelele kuchitemela mate,
na wanhu wa zisi zose wezamdumba yeye.
Mbali kumwenu womunihishimu, zuwa da haki dizamulawililani, dili na udahi wa kuhonya muna imilambi yake. Mweye mwizalawa kunze na mwizazumhazumha fana viya madang’ang’a viyolawa muna dibumba.
Chiyolonda Mndewa Mulungu
"Mweye Waisilaili tegelezeni chiya chiyolonda Mndewa Mulungu, Mulungu wenu, mumdumbe na musondelele nzila zake zose na mumulonde na mumsang’hanile Mndewa Mulungu, Mulungu wenu, kwa mizoyo yenu yose na kwa mihe yenu yose, na kuzindilila malagilizo na ndagilizi za Mndewa Mulungu zonimwing’hani diyelo kwa faida yenu.
Msondeleleni Mndewa Mulungu, Mulungu wenu na mumdumbe yeye na muhulikeni na muzindilile malagilizo yake, mtambikileni na muilumbe nayo.
Na kwaviya walala wawo wamdumba Mulungu, Mulungu kaweng’ha welesi wawo wenyewo.
Ivo wambwiya zangu one chahawa ching’higwa chilagano chino chose, chiisafye na kusegeza yaja yose yodaha kutenda ng’huli zetu na mihe yetu vambule mwiko, na chiwe welile kwa kumdumba Mulungu.
Mwing’heni chila munhu chiya choyolondeka, munhu wa usulu, mwing’heni usulu wake na munhu wa kodi yeng’higwe kodi yake, yolonda kuhulikigwa na yahulikigwe.