Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Degbeŋgyoo keyee yɛna nombia kagyeŋ kewalaŋ,
mɔna ayiŋtena bɛɛ mo nyansa na nombia kawola yɛɛ kolo ya.
Degbeŋgyoo keyee yɛna nyansa kewalaŋ,
te fereŋkyeŋte ŋon nombia kagyeŋ yɛna nombia man kenyii.
Nyansa kawola yɛna Degbeŋgyoo keyee,
te wose keyɔkɔse dɔŋ siaman fa obuo.
Kolo kyomii kenyiŋ keŋ Degbeŋgyoo keyee doo ke man,
dei kela dedii burum kenyiŋ keŋ kaale doo ke man.
Degbeŋgyoo keyee yɛna dukum kekɔla,
Mɛɛ kɔla wose kegyina na agaŋtaŋ,
dinɔɔkum na nombia kekolosi tulii.
Wose keyɔkɔse yɛna Degbeŋgyoo keyee,
ka kom ketɔ yɛna wosekenyiŋ na obuo na nyeedoŋ.
Na kɛɛ n wose nyi n sia te kare ya,
yee Degbeŋgyoo na n ke bɛɛ dukum keyɛɛ.
Kei gyae ka do n wose doŋ,
na ke desina n wose.
Aleebiri yɛɛ kabeo ke, te kyeo yɛɛ yakaa,
mɔna kaboena nyi baa lese alo ŋon ɔ ne yee Degbeŋgyoo yele.
Degbeŋgyoo keyee yɛna nyansa kewalaŋ,
baŋ pou bee di wɔ mmaraase dɔɔ ne nyii nombia man nideli.
Ŋon te kaboena nyi baa lese ɔ yele kekpaakekpaa.
Ɛ lese Degbeŋgyoo yele.
Baŋ bee yee Degbeŋgyoo,
te wɔ mmaraase na gyoo be sia nɛ, baŋna nyeebam.
Baŋ pou bee yee Degbeŋgyoo,
te be dɔŋ ɔ gbɛɛneŋ man nɛ, baŋna nyeebam.
Mɔna Degbeŋgyoo sia gyakaa baŋ bee yee e,
na baŋ be loo gyakaa ɔ kegyae keŋ taŋ ɔto ya nɛ dɔɔ,
Wurubuarɛ waa hiraa daa bela,
na baŋ be kyaa tɛɛle ɔto pou ke yee e.