1 Ɛ lese Degbeŋgyoo yele,

Maa mo me konɔɔ pou fa Degbeŋgyoo karaŋ,

baŋ be gbɛɛneŋ tenɛɛ na balaŋ degyaŋee man.

2 Degbeŋgyoo tomse kerɛɛ,

baŋ ŋɛɛ gyoo be sia nɛ pou na gyueŋ ŋe man.

3 Ɔ tomse na lese wɔ obuo na ɔ gyoorobiiri wola,

te ɔ katenee doo kekpaakekpaa.

4 Ɔ ne yele bɛɛ tɔɔse ɔ gyakoloŋ nombia,

Degbeŋgyoo dana wɔe te ɔ ne wii balaŋ waraŋase.

5 Ɔ ne fa baŋ bee yee e nɛ weenɛɛ,

ɔ ne tɔɔse ɔ nɔɔkebakesee kekpaakekpaa.

6 Ɔ ta lese ɔ tomse doŋ wola ɔ balaŋ,

keŋ ɔ ba mo tɛɛlese baale tɛɛlese fa wɔ nɛ.

7 Ɔ nyiŋmaa man tomse doona ŋe gbɛɛ te ŋa tenɛɛ,

nyaŋ ke tale mo n wose lɔ wɔ mmaraase dɔɔ.

8 Ŋe doo kekpaakekpaa,

ɔ faa ŋa lee anokoare na ŋe gbɛɛ dɔɔ.

9 Ɔ yelaa ɔ balaŋ nyiŋa ba wose,

ɔ see ɔ nɔɔkebakesee kekpaakekpaa,

ɔ yele yɛna fereŋkyeŋ na gyakoloŋ.

10 Degbeŋgyoo keyee yɛna nyansa kewalaŋ,

baŋ pou bee di wɔ mmaraase dɔɔ ne nyii nombia man nideli.

Ŋon te kaboena nyi baa lese ɔ yele kekpaakekpaa.