1 Ao me Wurubuarɛ, fa maŋ deŋele kedi,

na n ke di me nombia fa maŋ,

lee tɛɛlese baŋ bɔɔ ne yee Wurubuarɛ ya nɛ gyaŋ.

Lɛɛ maŋ lee balaŋ baŋ,

be yɛɛ akɛrɛɛtenawɔ na akpanyanyaŋtena nyiŋmaa man.

2 Nyaŋ yɛna Wurubuarɛ ŋon mee yeu kagyoo.

Weera te n bɛɛ maŋ?

Woŋ dɔɔ te maa ta na mee mutii,

lee keŋ me kɔlara ba ŋere maŋ do dɔɔ?

3 Kpila n keŋmaŋee na nya anokoare keŋ kaa lɛɛ maŋ,

yela ŋe kaa ta me siaman,

yela ŋe ka mo maŋ kɔŋ n bula fereŋkyeŋ keŋ dɔɔ,

botɔɔ keŋ n kyaa nɛ.

4 Kenaŋ na maa gyu Wurubuarɛ kedeesaboe keŋ gyaŋ,

maa gyu Wurubuarɛ ŋon mɛɛ nyaŋee te me sia na gye ɔ dɔɔ nɛ gyaŋ.

Maa gyɔ adolɛɛ lese n yele,

Oo Wurubuarɛ, me Wurubuarɛ.

5 Ma woo, weera te n yala koyololo?

Weera te n ne mutii me man?

Mo n loo gyakaa Wurubuarɛ dɔɔ,

nawolo nyi maa lese ɔ yele,

nyi ŋon yɛna ma nyeelɛɛre na me Wurubuarɛ.