1 Ɔ ta see ɔ donɔɔ dinaa keŋ mokɔɔ bula fereŋkyeŋ keŋ dɔɔ.

2 Degbeŋgyoo ne gyae Siyɔn anaanɔɔse ŋan,

kela Yakɔbe akyaese akaŋ ŋan pou.

3 Wurubuarɛ donɔɔ dinaa,

bee kolosi nombia kpaakpaa lee n wose man.

4 Maa ŋmarase Rahabe na Babilɔn yele,

kpuna balaŋ baŋ ba gyeŋ maŋ nɛ man,

Filisitena na Tirotena kpuna Itopiyatena,

na maa yako nyiaa, <<Ba lola kɛwɔ bo Siyɔn.>>

5 Baa yako lee Siyɔn wose man nyiaa,

<Ba lola walaŋ kei na walaŋ ŋonaŋ bo botɔɔ,

Degbeŋgyoo Adidote ŋon gbagba waa yela baa kyaa gbeli.>

6 Degbeŋgyoo waa ŋmarase do balaŋ baŋ yela tɔne man nyiaa,

<<Ba lola kei bo Siyɔn.>>

7 Baa kpee nɔɔneŋ na baa sɔe nyiaa,

<<Ma wose kenyiŋ pou lee n man.>>