1 Ao Wurubuarɛ, mo n yele lɛɛ maŋ,

fa maŋ deŋele kedi n doŋ man.

2 Ao Wurubuarɛ, nyii ma kefane,

tei me nɔɔman nombia.

3 Agaŋtaŋtena ne yoo maŋ,

nyeeman doŋtena ne gyae baa ko maŋ.

bɔɔ na mo Wurubuarɛ yɛɛ kolo ya.

4 Kɛɛ, Wurubuarɛ yɛna me kyɔɔre,

Degbeŋgyoo nyiŋmaa man te me nyeedoŋ doo.

5 Yela dukum ka bese gyu baŋ bɛɛ wɔlɛɛ maŋ nɛ dɔɔ,

lee nya anokoare kedi dɔɔ munu wɔ.

6 Maa lese me konɔɔ man deesi fa neŋ,

Degbeŋgyoo, maa lese n yele,

nawolo nyi n dei.

7 N ta lese maŋ lee me kayeyɛɛ pou man,

te me sia naa mena keŋ mɔɔ di me kɔlara dɔɔ.