1 Degbeŋgyoo ne diina gyoori, ɔ wuuna gyoorobiiri,

Degbeŋgyoo ta mo gyoorobiiri wuu ɔ wose, te ɔ moo doŋ kpaŋ gbegya,

ampaŋ tɛɛle keŋ seŋɛɛ keŋkeŋ, keŋ be gyae ke wosi ya.

2 Ba see n gyoorogbeli leenaŋ beneŋ beneŋ,

n kyaa leenaŋ gyaŋgba gyaŋgba.

3 Degbeŋgyoo, ɛpose ta koro adido,

ɛpose ne fae yeesa,

ɛpose te gyina ŋa woya ŋɛɛ seree.

4 N dana doŋ kela loŋse dinaana yeesa kefae,

doŋ kela ɛpose burum kegyɔ,

Degbeŋgyoo ŋon ɔ kyaa adido yɛna Dekpataakpere.

5 Degbeŋgyoo, nyaŋ mmaraase seŋɛɛ ŋe daseŋae man,

n dekpaŋalaŋ yɛɛ fereŋkyeŋ,

kekpaakekpaa.