1 Baŋ pou bee yee Degbeŋgyoo,

te be dɔŋ ɔ gbɛɛneŋ man nɛ, baŋna nyeebam.

2 nyaŋ ke di n nyiŋmaa man tom tɔnɔɔ,

gyae ke de fa neŋ na n ke nyiŋ n wose.

3 N wɛɛle waa yɛɛ ŋgba gerepo daŋ keŋ kɛɛ se bia nɛ,

n dekpaŋalaŋ man,

n bia baa yɛɛ ŋgba oliifi daase ŋan ŋɔɔ potee nɛ

kilisi n tebulu.

4 Kɛɛ, nnɛ yaa baa hiraa,

walaŋ ŋon ɔ ne yee Degbeŋgyoo nɛ.

5 Degbeŋgyoo waa hiraa neŋ lee Siyɔn,

waa yela n kena Yerusalɛm wose kenyiŋ.

n kekyaabii man pou.

6 Waa yela n ke kyaa na n kena n naanasebia,

wosefɛɛreŋ dɛɛ kɔŋ Iserae dɔɔ.