1 Diyiŋte ne yako ɔ konɔɔ man nyiaa,

<<Wurubuarɛ be kyaa ya.>>

Ba te wɔlɛɛ te bɛɛ yɛɛ abɔɔ anekɔlaŋ,

ŋolo be kyaa keŋ ɔ ne yɛɛ nombia kpaakpaa ya.

2 Wurubuarɛ kyaa adido ɔ ne kɛɛ

denibalaŋ pou tɛɛle man,

na waa kɛɛ nyi ŋolo kyaa keŋ ɔ gyeŋ nombia,

yaa ŋolo kyaa keŋ ɔ ne kɛo Wurubuarɛ gbɛɛneŋ?

3 Be popou ta yo gbɛɛ, be popou te wɔlɛɛ,

ŋolo be kyaa keŋ ɔ ne yɛɛ kolo kpaakpaa ya,

dokoloŋ kooŋ gba be kyaa ya.

4 Mena nombiakumɛɛ yɛɛra kɛwɔ ba gyeŋ daale yee?

Bɛɛ tao me balaŋ ŋgba bee di weenɛɛ bo nɛ,

bɔɔ na som Wurubuarɛ ya.

5 Kɛɛ wɔ, gyakoloŋ dinaa ta gyoo wɔ

mɔna kolo bɛɛ ŋmaase wɔ ya.

Wurubuarɛ te yaasee baŋ bɔɔ seŋ tia ŋon nɛ ŋɔɔ,

ɛ ta do wɔ desɛŋ, nawolo nyi Wurubuarɛ te bɛɛ wɔ.

6 Ao, ma kegyae yɛna nyi Iserae nyeekelɛɛ dɛɛ lee Siyɔn kɔŋ!

Wee keŋ Wurubuarɛ waa besena ɔ balaŋ see ba beneŋ man na,

Yakɔbe waa nyaŋee, na ke yɛɛ Iserae gyoŋ!