1 Degbeŋgyoo, me kɔlara boe nideli.

Balaŋ burum na koro seŋ tia maŋ.

2 Balaŋ burum ne yako nyiaa,

<<Wurubuarɛ be gyae waa lɛɛ e ya.>>

3 Mɔna nyaŋ, Degbeŋgyoo yɛna yoo nyeele pampasaŋ keŋ be kilisi maŋ,

me gyoorobiiri na ŋon ɔ ne gyina ma nyee adido.

4 Me baake Degbeŋgyoo keŋkeŋ,

te ɔ kpaa maŋ lee ɔ bula fereŋkyeŋ keŋ dɔɔ.

5 Me tisiwɔ doo te me doo dosoroŋ,

ma besewɔ foŋ nawolo nyi,

Degbeŋgyoo gyee maŋ.

6 Mɔɔ gyae maa yee balaŋ kakpoŋ kakpoŋse baŋ,

bɔɔ tɔ maŋ do yenaŋ kamasɛ nɛ ya.

7 Degbeŋgyoo koro!

Me Wurubuarɛ, lɛɛ maŋ.

Lese me kɔlara lakaa,

na n ke tekerii akpanyanyaŋtena kela.

8 Nyeekelɛɛ lee Degbeŋgyoo gyaŋ.

Yela nyaŋ nhira kekɔŋ n balaŋ dɔɔ.