1 Wurubuarɛ yɛna da keyeu kagyoo na de doŋ,

ɔ ne kyɔ daa debaŋ kamasɛ da wose kekyaŋ man.

2 Mena dɔɔ akpaa tɛɛle de wosi,

te bulase de kulii ke yala gyoo ɛpo tɔɔman,

3 te ke man loŋ da koro yɛɛ afofose,

te bulase de wosi koraŋ na dɔɔ yee ya.

4 Boo daale kyaa keŋ ke boŋobiise ne yele Wurubuarɛ donɔɔ dinaa sia na gye,

botɔɔ yɛna Adidote ŋon dekyae fereŋkyeŋ keŋ.

5 Wurubuarɛ kyaa ke man, ka be gyae ke yala ya,

Wurubuarɛ waa lɛɛ e tɛɛ kɛɛ bee kena man.

6 Tɛɛlese na koro wosi ba wose na gyooridediise te yale,

ɔ ne gyina ɔ woya na tɛɛle te yalakee.

7 Degbeŋgyoo Dekpataakpere ŋon kpuɛna daa,

Yakɔbe Wurubuarɛ ŋon yɛna da keyeu kagyoo.

8 Ɛ kɔŋ kaa kɛɛ keŋ Degbeŋgyoo be yɛɛ,

ɛ kaa kɛɛ mena keŋ ɔ be wɔlɛɛ tɛɛle keŋ.

9 Ɔ ne yele yoose ne kɔŋ ɔto,

kelii tɛɛle ɔto,

ɔ ne tekerii baŋdaŋse na apiase,

ɔ na too yoo nyeele pampasaŋse.

10 Ɔ kpa nyiaa, <<Ɛ yɛɛ yididi, na ɛ ka gyeŋ nyi maŋ yɛna Wurubuarɛ,

tɛɛlese balaŋ baa gyina maŋ adido,

baa gyina maŋ adido tɛɛle dɔɔ.>>

11 Degbeŋgyoo Dekpataakpere ŋon kpuɛna daa.

Yakɔbe Wurubuarɛ ŋon yɛna da keyeu kagyoo.