1 Me Wurubuarɛ, yela maa kyaa wose kefɛɛ man,

nawolo nyi nyaŋ te me yeuwɔ kaa gyoo.

2 Me yako Degbeŋgyoo nyiaa, <<Nyaŋ yɛna me Gbeŋgyoo,

mɔɔ dana kolo kpaakpaa daale kpuna neŋ ya.>>

3 Balaŋ fereŋkyeŋ baŋ be kyaa tɛɛle kei dɔɔ nɛ,

<Baŋ yɛna obuo balaŋ baŋ be nombia na gyoo me sia nideli.>

4 Baŋ be silana wurubuarɛse wɔlɛɛ baale nɛ, baa naa diyem nideli.

Mɔɔ gyae maa kyɛɛkee fatabo woli wurubuarɛse benaŋ,

yaa maa gyuusu me nɔɔ baake ba yela gba ya.

5 Degbeŋgyoo, nyaageŋ te ma lesewɔ te mee nyiŋ abɔɔ burum,

me fareba mɔ doo bo n nyiŋmaa man.

6 Dekyae kpaakpaa keŋ mɔɔ nyim nɛ ta gyoo me sia,

ke yɛɛ ampaŋ nyi dedii keŋ ta gyoo me sia nideli.

7 Maa lese Degbeŋgyoo ŋon ɔ na wola maŋ nɛ yele,

nelim koraŋ na me konɔɔ na wola maŋ gbɛɛneŋ.

8 Debaŋ kamasɛ na me sia gyakaa Degbeŋgyoo dɔɔ,

Ɔ kyaa me dunoluŋ dɔɔ, mena dɔɔ kolo be tale wosi maŋ ya.

9 Mena dɔɔ me wɔe te fɛɛ maŋ, te me laakem ne nyaŋee,

maa kyaa wose kefɛɛ man.

10 Nawolo nyi n be gyae n ke yela ma woo ke dɔɔ woyadɛɛ,

yaa ŋon ɔ be di anokoare fa neŋ nɛ ke wɔlɛɛ ya.

11 Nyaŋ ka wola maŋ nyeedoŋ gbɛɛ keŋ,

nyaŋ ke yela maa nyaŋee n siaman,

maa kyaa n dunoluŋ dɔɔ di gyoŋ kekpaakekpaa.